Машины хянах самбар дээр асдаг анхааруулах гэрлийн тайлбар

Хөдөлгүүрийн электрон удирдлагын системд доголдол гарсан. Энэ тохиолдолд компьютер оношилгоонд оруулаарай. 

Тоормосны ABS системд гэмтэл гарсан үед асна. Энэ үед компьютер оношилгоонд оруулж гэмтлийн дагуу үйлчилгээ хийлгээрэй. 

Цахилгаан рулийн аппаратад гэмтэл гарсан үед асна. Энэ тохиолдолд компьютер оношилгоонд оруулаарай. 

Автомашин 5,000 миль (8,000км) явах тутамд автоматаар анхааруулах гэрэл асдаг. Уг гэрэл таны машины хянах самбар дээр ассан бол даруй засварын газарт хандаж үйлчилгээ хийлгэх хэрэгтэй. 

Хөдөлгүүрийн тосны хяналтын гэрэл. Тосны түвшинг шалгах хэрэгтэй. Хэвийн бол мэргэжлийн засварын газарт яаралтай хандана уу. 

Халтиргаатай замд дугуйг хий эргэхээс хамгаалсан систем. TRC OFF гэсэн удирдлагыг идэвхжүүлсэн үед хянах самбар дээр уг гэрэл асна. Системд алдаа гарсан бол байнга асна. Энэ тохиолдолд компьютер оношилгоонд оруулаарай. 

Эргэлтийн үед машин шарвахаас хамгаалсан систем. Түлхүүр ON байрлалд асах бөгөөд хөдөлгүүр ассаны дараа унтрах ёстой. 15км/ц-аас дээш хурдтай явж байх үед автоматаар идэвхжиж ажиллана. 

ABS болон хөдөлгүүрийн удирдлагын системд алдаа гарсан тохиолдолд байнга асна. Энэ тохиолдолд компьютер оношилгоонд оруулаарай. 

Гадаах температур +3 хэм болсон үед асна. Зам халтиргаатай байх магадлалтай тул болгоомжтой хөдөлгөөнд оролцохыг анхааруулна. 

Цахилгаан мотор, инветер, хөргөлтийн системд гэмтэл авсан үед асна. Эхний удаад хөргөлтийн шингэн, цахилгаан помп сэлж байгааг шалгаад гэмтэлтэй бол засварын газарт хандаарай. 

Хайбрид систем хэвийн бус байна. 

Гар тоормос болон тоормосны шингэний хяналтын гэрэл. Гар тоормос буулгасан үед асаж байвал шингэний хэмжээг шалгах. Шингэн хэвийн хэмжээнд байгаа тохиолдолд дугуйн наклад нимгэрсэн эсэхийг шалгаарай. 

Цэнэглэх системд (динам, аккумулятор) алдаа байвал асна. Ингэсэн тохиолдолд мэргэжлийн засварын газарт хандаарай. 

Хянах самбар дээрх гэрлийг унтрааж явбал 1-4 араа хүртэл автоматаар солигдож явна. Уруу эсвэл өгсүүр замд гэрлийг асааж явбал сүүлийн арааг хасаж эхний хэдэн арааг сольж явна. Уруу замд хөдөлгүүрээр тоормосолно. Хэрвээ анивчиж байвал кропыг оношлуулаарай. 

Дугуйн хийн даралт өөрчлөгдсөн эсвэл ижил бус размерын дугуй тавьсан тохиолдолд асна. 

Гэрлийн тусгалыг автоматаар тохируулах систем. Системд алдаа гарсан бол байнга асна. Энэ тохиолдолд компьютер оношилгоонд оруулаарай. 

Хэмнэлттэй горимд явах үед асна. Энэ тохиолдолд шатахуун зарцуулалт энгийнээс 4% бага зарцуулна. 

Шатахууны нөөц багассаныг анхааруулах гэрэл. Ихэнх автомашин 5-10 литр үлдсэн тохиолдолд асна.