ФОТО: ЭМЧ нар ЭРҮҮГИЙН ХУУЛИЙН зарим заалтыг эсэргүүцэж байна
Эрүүгийн хуулийн шинэчилсэн найруулга дахь зүйл заалтыг эсэргүүцсэн эмч, эмнэлгийн ажилтнууд Төрийн ордныг тойрч жагсаж байна.
2016 оны есдүгээр сарын 1-ний өдрөөс дагаж мөрдөх Эрүүгийн хуулийн шинэчилсэн найруулгад “Эмч, эмнэлгийн ажилтан хүлээсэн үүргээ биелүүлээгүйн улмаас хүний эрүүл мэнд ноцтой хохирч, нас барсан тохиолдолд 20-80 сая төгрөгөөр торгож, 2-8 хүртэл жилийн хугацаатай хорих ялаар шийтгэнэ” гэсэн заалт бий.
Уг заалтыг эсэргүүцсэн нийслэл болон орон нутгийн эмнэлгийн ажилтнууд Чингисийн талбайд цуглан, Төрийн ордныг тойрч, Эрүүл мэнд, Спортын яам руу жагсаалаа үргэлжлүүлж байна.
Эмч нарын эсэргүүцээд буй эрүүгийн хуулийн заалт
1.Эмнэлгийн мэргэжилтэн эмнэлгийн тусламж, үйлчилгээ үзүүлэх хууль, захиргааны хэм хэмжээний акт, хэлцлээр хүлээсэн үүргээ хүндэтгэн үзэх шалтгаангүйгээр биелүүлээгүй, зохих ёсоор биелүүлээгүйгээс хохирогчийн эрүүл мэндэд хүндэвтэр хохирол учруулсан бол нэг жил хүртэл хугацаагаар эрх хасаж дөрвөн зуун тавин нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл нэг сараас нэг жил хүртэл хугацаагаар хорих ял шийтгэнэ.
2.1.хохирогчийн эрүүл мэндэд хүнд хохирол учирсан;
2.2.хохирогч нас барсан бол нэг жилээс гурван жил хүртэл хугацаагаар эрх хасаж арван мянган нэгжээс дөчин мянган нэгжтэй тэнцэх хэмжээний төгрөгөөр торгох, эсхүл хоёр жилээс найман жил хүртэл хугацаагаар хорих ял шийтгэнэ.
Фото
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
