Хавдар судлалын үндэсний төвд ТУЯА ЭМЧИЛГЭЭНИЙ АППАРАТЫГ ашиглаж эхэллээ

БНЭУ-ын Засгийн газраас Хавдар судлалын үндэсний төвд /ХСҮТ/ хандивласан зайн туяа эмчилгээний болон туяа эмчилгээний төлөвлөлтийн аппаратын ажиллагааг эхпүүлэх ёслолын үйл ажиллагаа өнөөдөр боллоо.

2015 оны тавдугаар сард Бүгд Найрамдах Энэтхэг Улс (БНЭУ)-ын Ерөнхий сайд Нарендра Моди нь Монгол Улсад төрийн айлчлал хийхдээ ХСҮТ-д буцалтгүй тусламжаар зайн туяа эмчилгээний "Бабатрон II", туяа эмчилгээний төлөвлөлтийн "Имэжин" энгийн симулятор аппаратыг тус тус хандивласан аж.

• “Имэжин” аппарат нь туяа эмчилгээний төлөвлөлт буюу рентген харалтын тусламжтайгаар хүний биеийн анатомын байрлалд тулгуурлан хавдрын голомт, үсэрхийллийг тогтоож, эмчилгээ хийх нөхцөлийг бүрдүүлдэг.
   
• "Бабатрон II" аппаратаар толгой хүзүү, тархи, улаан хоолой, уушиг, хөх, умайн хүзүүний зэрэг хавдрын зайн туяа эмчилгээг өдөрт 30-50 хүнд, жилдээ 600-800 өвчтөнд хийх боломжтой юм. Тус аппаратаар зайн туяа эмчилгээ буюу хүний биеэс тодорхой зайд байрласан цацраг идэвхт Кобальт-60 үүсгүүрээс гарч байгаа гамма цацрагаар хорт хавдрын эсэд үйлчилж, эсийн хуваагдлыг сааруулах, зогсоох өвөрмөц эмчилгээг хийх юм.

​Туяа эмчилгээний эдгээр аппаратыг хавдартай өвчтөний эмчилгээнд хэрэглэснээр хорт хавдрын тусламж, үйлчилгээний чанар, хүртээмж сайжирч, туяа змчилгээг хүлээгдэлгүй, шуурхай хийх боломж нэмэгдэх аж.

ФОТО:

1

Гэрэл зургийг mpa.mn

2

Гэрэл зургийг mpa.mn

3

Гэрэл зургийг mpa.mn

4

Гэрэл зургийг mpa.mn

5

Гэрэл зургийг mpa.mn

6

Гэрэл зургийг mpa.mn

7

Гэрэл зургийг mpa.mn