З.Энхболд: Өнөөдрийн хурлаар манай намын мөрийн хөтөлбөр хийгдэнэ

Ардчилсан Намын Үндэсний Зөвлөлдөх Хорооны ээлжит бус 46 дугаар хурал Нийслэлийн иргэний танхимд нээлттэй эхэлсэн ч хаалттай горимд шилжлээ.

Хурлыг нээж АН-ын дарга З.Энхболд үг хэллээ.

Тэрбээр "АСЕМ-ийн хүрээнд болох Ази, Европын парламентын түншлэлийн 9 дүгээр уулзалт Төрийн ордонд зарлагдсан. Уулзалтад 22 орны төлөөлөгч оролцоно. Бэлтгэл ажил хийгдэж байгаа. Тиймээс манай намын ҮЗХ-ны хурал Нийслэлийн иргэний танхимд болж байна.  Бусад намууд сонгуульд оролцох мөрийн хөтөлбөрөө хийж байгаа. Манай өнөөдрийн ҮЗХ-ны хурлаар мөрийн хөтөлбөр хийгдэнэ. Мөрийн хөтөлбөр олон нийтэд ил болохоосоо өмнө нууц байдаг учир хаалттай хийгдэнэ. Бусад намынх ч хаалттай хийгдэж байгааг та бүхэн мэдэж байгаа байх" гэв.

Тус намын ҮЗХ-ны хуралд 120 гишүүн оролцож байна.

УИХ-ын сонгуулийн тухай хуульд дөрөвдүгээр сарын 20-нд Үндэсний Аудитын газарт улс төрийн намууд мөрийн хөтөлбөрөө хүргүүлсэн байх ёстой гэж заасан байдаг. Энэ дагуу намууд мөрийн хөтөлбөрөө хэлэлцэж байгаа аж.

Фото

Гэрэл зургийг mpa.mn

1

2

3

4

5

6

7

8

9

10

11

12

13

14

15

16

17

18

19

20

21

22