Долларын ханш үргэлжлэн УНАХ УУ?
Монгол банкны долларын албан ханш сүүлийн долоо хоногт 2050.85 төгрөгөөс 2042.49 төгрөгт хүрч уруудав. Үүний шалтгааныг Credit Suisse-ээс авсан 250 сая ам.доллар болон 500 сая ам.долларын засгийн газрын бонд Монголын эдийн засагт орж ирснээр өрнөж буй үйл явдал гэж хэлж болно.
Валютын хомсдол үүссэн өнөөгийн нөхцөлд бонд гаргах нь валютын нийлүүлэлтийг шууд бусаар өсгөж байна гэсэн үг. Энэ утгаараа доллар богино хугацаанд буурах үндэс суурийг тавьдаг. Гэхдээ бондын хөрөнгийг дотоодын бондыг санхүүжүүлэхэд зарцуулах гэж байгаа нь манай эдийн засаг маш сул байгааг илтгэж байгаа юм. Энэ нь ханш урт хугацаанд эргээд өсөх боломжтой гэдгийг илэрхийлэх юм.
Нөгөө талаас хомсдол үүсээд багагүй хугацаа өнгөрсөн өнөө үед эдийн засагт оролцогчид доллараар хадгаламж хийх замаар ханшийн зөрүүний ашиг хийх зорилго нийтлэг болоод байна. Ийм үед эдийн засагт оролцогчид бодит хэрэгцээнээсээ илүү хэмжээний доллар авч хадгалан ханш өссөний дараа зардаг. Харин зорилгодоо хүрэх явцад ханш бага зэрэг унахад л хүчтэй мэдрэх бөгөөд хэд хоног үргэлжлэн унах үед алдагдал хүлээх эрсдэлтэй болох тул доллараа зардаг байна. Ингэснээр богино хугацаанд нийлүүлэлт өсч ханш улам буурдаг.
Гэхдээ уг уналтын дараа ханш эргээд өсөх бүрэн боломжтой. Энэ нь валютын нийлүүлэлт экспортын өсөлт, гадаадын шууд хөрөнгө оруулалтын өсөлт гэх зэрэг суурь шалтгааны улмаас өсөөгүйтэй холбоотой юм.
Өнгөрсөн хугацаанд валютын ханшид богино хугацаанд нөлөөлсөн үйл явдлууд юу байсныг хүснэгтээр харуулав. Тус бүрдээ богино хугацаанд 6%-7.5%-ийн уналт эсвэл 107.3-132.3 төгрөгөөр буурсан нь статистикаас харагдаж байна.
|
Дараалал | |
|---|---|
|
Үйл явдал | |
|
1 |
Самурай бонд гаргах үед |
|
2 |
УИХ-ын дарга Найман Шаргыг шалгах үүрэг өгөх үед |
|
3 |
ОТ далд уурхайн гэрээ зурах үед |
|
4 |
Credit Suisse - 250 сая, ЗГ-ын 500 сая |
|
Хэзээ | |
|
1 |
2013 оны эцэст |
|
2 |
2013 оны эцэст |
|
3 |
2015 оны 3-5-р сард |
|
4 |
2016 оны 3-р сард |
|
Эхний цэг | |
|
1 |
1722.96 |
|
2 |
1752.48 |
|
3 |
1993.92 |
|
4 |
2055 |
|
Эцсийн цэг | |
|
1 |
1615.7 |
|
2 |
1620.2 |
|
3 |
1863.41 |
|
4 |
1,915.82* |
|
Өөрчлөлт-хувиар | |
|
1 |
-6.23% |
|
2 |
-7.55% |
|
3 |
-6.55% |
|
4 |
-6.77% |
|
Өөрчлөлт-төгрөгөөр | |
|
1 |
-107.26 |
|
2 |
-132.28 |
|
3 |
-130.51 |
|
4 |
-123.35 |
|
Дараалал |
1 |
2 |
3 |
4 |
|---|---|---|---|---|
|
Үйл явдал |
Самурай бонд гаргах үед |
УИХ-ын дарга Найман Шаргыг шалгах үүрэг өгөх үед |
ОТ далд уурхайн гэрээ зурах үед |
Credit Suisse - 250 сая, ЗГ-ын 500 сая |
|
Хэзээ |
2013 оны эцэст |
2013 оны эцэст |
2015 оны 3-5-р сард |
2016 оны 3-р сард |
|
Эхний цэг |
1722.96 |
1752.48 |
1993.92 |
2055 |
|
Эцсийн цэг |
1615.7 |
1620.2 |
1863.41 |
1,915.82* |
|
Өөрчлөлт-хувиар |
-6.23% |
-7.55% |
-6.55% |
-6.77% |
|
Өөрчлөлт-төгрөгөөр |
-107.26 |
-132.28 |
-130.51 |
-123.35 |
Энэхүү статистикт үндэслэн таамаглал хийвэл Монгол банкны албан ханш богино хугацаанд 1915.82 -1930.65 төгрөг хүрч буурах боломжтой нь харагдаж байна. Харин техник шинжилгээ талаас нь харвал 2,000 төгрөгт хүрэх, 2,000 төгрөгөөс буувал 1979 улмаар 1936 төгрөгт хүрэх боломжтой юм.
Мэдээллийг бэлтгэсэн: "Монголын Хөрөнгийн Зах Зээлийн Судалгаа Хөгжлийн Нийгэмлэг" (линк дарах)
Хөрөнгийн зах зээл, хувьцаат компаниудтай холбоо хамгийн үнэн бодит мэдээллийг хамгийн түргэн шуурхай хүргэх, зах зээлийн хөгжлийн судалгаа хийх, үр дүнг олон нийт болоод холбогдох газруудад хүргэх, хөрөнгийн зах зээлийн анхан, дунд шатны сургалт, семнар, илтгэл зохион байгуулдаг АШГИЙН БУС ТББ юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
14 СЭТГЭГДЭЛТЭЙ
|
