Бизнесийнхэнд зориулсан бага зардлаар ихийг хэвлэх Canon Maxify

Canon корпрорациас бизнесийн байгууллагуудад зориулан технологийн шилдэг шинэчлэлт бүхий цоо шинэ Canon MAXIFY бизнес инк принтерийг танилцуулж байна.

Минутад хар/цагаанаар 23 хуудас, өнгөтөөр 15 хуудас хэвлэх хурд бүхий Canon MAXIFY нь 4 өнгөний шингэн хорны танктай бөгөөд хар/цагаанаар 2500 хуудас, өнгөтөөр 1500 хүртэл хуудсыг хэвлэх болно. Нэгж өнгөт хуудасны хэвлэх өртөг ердөө 60 төгрөг.

Түүний өндөр нягтралтай хар пигмент бүхий шингэн хор нь хэвлэлтийг маш тод, уусалтгүй цэвэрхэн болгохоос гадна ус болон тодруулагч маркерийн шингэнд үл нэвчих хамгаалалттай болжээ. Мэдээж бизнес хэрэглээнд зориулагдсан учраас сүлжээнд холбогдон хэвлэж, сканнердана. Мөн таблет, ухаалаг утас болон клауд порталаас хүссэн зураг, файлаа сонгон хэвлэх, хувилах, хэрэглээний мониторинг, хязгаарлалт хийх Remote UI програмтай. Нэг командаар хуудасны хоёр талыг сканнердах, өнгөтөөр хувилах, факсдах зэрэг цоо шинэ технлогиудыг Canon MAXIFY өөртөө шингээжээ.