ИНФОГРАФИК: Тавдугаар сард 6,932 хүүхэд мэндэлжээ

Улсын хэмжээнд 2015 оны эхний 5 сард 33281 эх амаржиж, амьд төрсөн хүүхдийн тоо 33493 болж, өмнөх оны мөн үеийнхээс амаржсан эхийн тоо 90 буюу 0.3 хувиар, хүүхдийн тоо 107 буюу 0.3 хувиар буурсан байна. Энэ оны 5 дугаар сард 6883 эх амаржиж, амьд төрсөн хүүхдийн тоо 6932 болж, амаржсан эхийн тоо өмнөх оны мөн үеийнхтэй ижил түвшинд хүрчээ. 

Нялхсын эндэгдэл энэ оны 5 дугаар сард 127 болж, өмнөх оны мөн үеийнхээс 27 хүүхэд буюу 27.0 хувиар, 5 хүртэлх насандаа 142 хүүхэд эндэж, өмнөх оны мөн үеийнхээс 21 буюу 17.4 хувиар өссөн байна.

Эх сурвалж: ҮСХ