Аялал жуулчлалын улирал ирэх гэж буйтай холбогдуулан дэлхийн хамгийн олон жуулчдыг хүлээн авдаг шилдэг музейнүүдийг танилцуулж байна.
Алдарт Луврын музейд л гэхэд манай улсын хүн амаас гурав дахин олон зочин очдог байна. Үүнийг дагаад тухайн хотын орлого, эдийн засагт сайнаар нөлөөлөх нь гарцаагүй.
Эх сурвалж: CNN
ИНГЭЭД ДЭЛХИЙН ШИЛДЭГ МУЗЕЙНУУДТАЙ ТАНИЛЦ
ЛУВРЫН МУЗЕЙ/Парис/. Дэлхийн хамгийн олон хүн үзсэн музей гэгддэг. 2013 онд л гэхэд 9.3 сая хүн Луврын музейд зочилсон байдаг бөгөөд жил бүрийн хавар, зуны улиралд зорих жуулчдын тоо нэмэгддэг ажээ.
ҮНДЭСНИЙ БАЙГАЛИЙН ТҮҮХИЙН МУЗЕЙ/АНУ Вашингтон хот/. Хамгийн олон хүн зочилсноороо дэлхийд хоёрдугаарт ордог. Жилд 8 сая гаруй хүн үзэж сонирхдог ажээ.
ХЯТАДЫН ҮНДЭСНИЙ МУЗЕЙ. 2012 оноос хойш энэ музейг зорин ирэгсдийн тоо 40 хувиар өссөн бөгөөд жилд 7.5 сая зочин хүлээн авсан.
ҮНДЭСНИЙ АГААРЫН БОЛОН САНСРЫН МУЗЕЙ. Смитсоны Үндэсний агаарын болон сансрын музей жилд 7 сая хүн хүлээн авдаг.
БРИТАНИЙН МУЗЕЙ /Лондон/. Жилд 6.7 сая зочин хүлээн авдаг.
МЕТРОПОЛИТАН МУЗЕЙ/Нью Йорк/. Жилд 6.3 сая хүн хүлээн авдаг.
ҮНДЭСНИЙ ГАЛЕРЕЙ/Лондон/. Жилд 5.2-6 сая жуулчин хүлээн авдаг.
ВАТИКАНЫ МУЗЕЙ. Тус музейд жилд 5.5 сая хүн хүлээн авдаг.
БАЙГАЛИЙН ТҮҮХИЙН МУЗЕЙ /Лондон/. Жилд ойролцоогоор 5.3 сая зочин хүлээн авдаг.
АМЕРИКИЙН БАЙГАЛИЙН ТҮҮХИЙН МУЗЕЙ. Нью-Йоркд байрлах энэ музейгээр жилд 5 сая хүн зочилдог.
АМЕРИКИЙН ТҮҮХИЙН ҮНДЭСНИЙ МУЗЕЙ. Вашингтонд байрлах энэ музейгаар жилд 4.9 сая хүн зочилдог.
TATE MODERN /Лондон/. Энэ музейг жилд 4.9 сая зочин зорьж ирдэг.
ҮНДЭСНИЙ ОРДОН МУЗЕЙ/Тайвань/. Жилд 4.4 сая зочин энэ музейг зорин ирдэг.
ҮНДЭСНИЙ УРЛАГИЙН МУЗЕЙ/Вашингтон/. Энэ музейн талбай дахь баримлууд олны сонирхлыг ихэд татдаг. Жилд дунджаар 4.1 сая хүн энд зочилно.
CENTRE POMPIDOU/Парис/. Жилд 3.7 сая хүн энэ музейг зорьж ирдэг.
ШИНЖЛЭХ УХААН, ТЕХНОЛОГИЙН МУЗЕЙ /Шанхай/. Шанхайгийн Шинжлэх ухаан, Технологийн музейд ирэх жуулчдын тоо 12 хувиар өссөн байна.
БАЙГАЛИЙН ШИНЖЛЭХ УХААНЫ ҮНДЭСНИЙ МУЗЕЙ /Тайвань/. Жилд 3.4 сая зочин хүлээн авдаг бөгөөд энэ тоо 15 хувиар өсөөд байгаа юм.
ШИНЖЛЭХ УХААНЫ МУЗЕЙ /Лондон/. Өмнөд Кенсингтонд байрлах энэ музейд жилд 3.3 сая хүн зочилдог.
ВИКТОРИА АЛБЕРТ МУЗЕЙ /Лондон/. Уран баримал, урлаг, дизайны чиглэлээр алдартай тус музейд жилд 3.3 сая зочин ирдэг.