GOOGLE STREET VIEW: Эрдэнэт хотод аялал жуулчлал хөгжиж байна

Дэлхийн хамгийн өргөн сүлжээнд эх орныхоо зураглалыг холбох зорилготой Google Street View төслийн залуус Улаанбаатар хотоос 400 гаруй километрийн зайтай Орхон аймгийн Эрдэнэт хотыг зорилоо.

Эрдэнэтчүүд өөрийн аймгийн онцлог давуу тал, аялал жуулчлалын нөхцөл, нөөц боломжинд тулгуурлан аялал жуулчлалын эерэг дүр төрх бүхий аялагч жуулчдын зорин ирэх газар болгон хөгжүүлэх үндсэн чиглэлийг баримтлан ажиллаж байгаа юм байна. 

GOOGLE STREET VIEW-ийн залуус Эрдэнэт хотод зочлохдоо:

• Төв гудамж, талбайн хэсэг /өдөр, шөнийн байдал/
   
• “Найрамдал” Дурсгалын өндөрлөг
   
• “Их шүтээн”  Бурхан багшийн цогцолбор
   
• Эрдэнэт хотын “Гоулд”  Зочид буудал /Gold hotel/
   
• Эрдэнэт хотын ерөнхий харагдах байдал зэрэг онцлог газруудад зураглалаа хийсэн юм.

Аймгийн хэмжээнд төдийгүй аялагч жуулчдад зориулан Цэнгэлдэх хүрээлэн, Бурхан багшийн их шүтээн цогцолбор, Эрдэнэт цэцэрлэгт хүрээлэн зэргийг барьж байгуулах их бүтээн байгуулалтын ажлуудыг Эрдэнэтэчүүд эхлүүлэн, амжилттай хэрэгжүүлжээ.  

Мөн дотоод, гадаадын жуулчдад ая тухтай амрах орчин үеийн шаардлага нөхцлийг хангасан зочид буудлууд ашиглалтанд орж, хотоор дамжин өнгөрөх болон зорин ирэх аялагчдад үйлчилж байгаа нь онцлог байв.

1

2

3

4

5

6

7

8

9

10

11

12

13

14

15

16

17

18