ХУУЧИРСАН МЭДЭЭ: 2015/02/10-НД НИЙТЛЭГДСЭН

ФОТО: Хятадын очиж үзэх ёстой 32 газар

Б.УЧРАЛ, iKon.mn

2015 оны 2 сарын 10

iKon.MN

Хятад бол дэлхийн хамгийн их жуулчид хүлээн авсан орны нэг. Жилд 55 сая гаруй хүн зочилж очдог гэхээр ойлгомжтой биз.

Баялаг түүх, сум дуган, хөшөө дурсгал болон байгалийн тогтоц нь Хятадад зорьж очигсдыг татдаг байна.

Монголчууд бидний хувьд урд хөршдөө зочилж очих нь элбэг ч хаана ямар үзэсгэлэнт газар байдгийг нь тэр бүр мэддэггүй. Тиймээс шинэ аяллын санаа, сэдэл өгөх зорилгоор энэхүү фото нийтлэлийг бэлтгэлээ.

Ингээд урд хөршид зочилсон хүн бүрийн үзэх 32 газрыг танилцуулъя.

Эх сурвалж: BusinessInsider

Хунгцунд байрлах 900 настай, архитектурын өвөрмөц хийц бүхий тосгон.

Хятадад очсон хүн бүрийн заавал идэж үзэх хоолны нэг шарсан нугас. Бээжингийн Да Дон хоолны газар шарсан нугасаараа хамгийн алдартай.

Мутянью дэх Цагаан хэрмийн хэсгээс энэхүү 1.5м орчим урт гулсуураар бууж болно.

Говь цөлийн дунд орших Дунхуань нуурын орчимд тэмээгээр аялаж болно.

Хятадын зүүн өмнөд хэсгийн Фужиан мужид байрлах Шиафуд очиж загасчлахад тохиромжтой.

Бээжингийн Ванфужин шөнийн захад амьд хилэнц болон этгээд сонин хоолнуудыг туршиж үзэхэд тохиромжтой.

Хорьдугаар зууны эхэн үед ойр орчмоо хамгаалахаар баригдсан 1800 гаруй цайз Кайпинд бий.

Азийн хамгийн өндөр хүрхрээ болох Хуангуошу энд бий.

Хайнан арал дээрх наран шарлагын газар.

Бээжинд Хориотой хот болон Мин, Чин гүрнүүдийн хаадын ордон музейг үзэх боломжтой.

12 км орчим үргэлжлэх Лонтанд аялах нь эрсдэлтэй ч эндээс та улаан, ягаан өнгийн элсэн чулууг харж бишрээрэй.

Аватарын Пандора гаригийг санагдуулам Занжиаже уулс Хятадад бий.

Жианси дахь Лю ууланд авирч үзвэл яагаад уран зураач, яруу найрагчид энд ирдгийг мэдрэх болно.

Чанбай уулын бүсэд орших Хятадын хамгийн гүнзгий Диваажингийн нуурыг тольдох боломжтой.

Харбинд болдог дэлхийн хамгийн том мөсний баярыг үзэж болно.

Далиань дахь Алтан хайргын эрэгт очиж амьтны хэлбэртэй хаднуудыг үзээрэй.

Шанхайн Юүюаны цэцэрлэгээр зугаалаарай.

Шанси мужийн Юнганы агуйд очиж буддын эртний сүм хийдийг үзээрэй.

Ханьжоу хотын Баруун нуурын орчмоор дугуйгаар аялахад тохиромжтой.

Сиянд очиж эртний цэргүүдийн барималыг үзээрэй.

Шеннонжиад очиж алтан үст сармагчингуудтай тоглох боломжтой.

Хэл хорсгом халуун ногоотой, сонирхолтой хоолнуудыг Чэндугийн гудамжнаас та олно.

Гуилинд байх хулсан лимбэний гэрэлт агуйгаар аялаж үзээрэй.

Чончин бол хулсны баавгай үзэхэд тохирох газар.

Аладдины домог төрсөн газар гэгддэг Үрэмчийн зах.

Сиан дахь зэрлэг галууны суваргад очиж усан оргилуурын гэрлэн үзүүлбэрийг сонирхож болно.

Юннань мужид орших Янцзы голоор усан онгоцтой аялаарай.

Тиананьмэний талбай дахь Мао Зэдуны бунхан бол заавал зочлох газрын нэг.

Лижиан дахь барын хавцлаар аялж байгалийн сайхныг тольдох боломжтой.

Хятадын хаана ч цагаан сар тэмдэглэхэд уйдамгүй.

Шанхайн хурдан галт тэрэгнүүд цагт 480 орчим км хурдалдаг.

Юннаний цаст уулс байгалийн гоо үзэсгэлэнг мэдрүүлнэ.

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!