XI сарын байдлаар ашиглалтанд ороогүй орон сууцны 1м2–ын дундаж үнэ 2358.2 мянган ₮
REAL PROPERTIES ULAANBAATAR "УЛААНБААТАР ХОТЫН ҮЛ ХӨДЛӨХ ХӨРӨНГИЙН ЗАХ ЗЭЭЛИЙН 11-Р САРЫН ТОЙМ"
I. ХУУЧИН ОРОН СУУЦНЫ ЗАХ ЗЭЭЛ
1.1 ХУУЧИН ОРОН СУУЦНЫ ХАНШИЙН МЭДЭЭ
УБ хотын хэмжээнд нийт хуучин орон сууцыг дүүргээр ангилж харвал:
Нийт орон сууцны барилгын 51.8%-ийг БГД болон БЗД-ийн орон сууц эзэлж байна.
БГД-ийн орон сууцны барилга 32.1% эзэлж байгаа нь тус дүүрэгт хамгийн их орон сууц байдаг нь харагдаж байна.
Энэ хэмжээгээрээ энэ тус хоёр дүүргээс хамгийн олон орон сууц арилжаанд ордог нь харагдана.
Өөрөөр хэлбэл нийт зарын 56.2%-нь эдгээр хоёр дүүргээс тавигдсан байгаа нь 11 сарын зараас харагдаж байна.
2014 оны 11 сарын байдлаар зар сонинд 1-4 өрөө байрны хувьд нийт 1100 орчим төрлийн зар тавигдсан байна. Эдгээрээс судалгааны шаардлага хангаж буй 295 зарын мэдээлэлд анализ хийж уг мэдээлэлд тулгуурлан 11 сарын хуучин орон сууцны зарын мэдээллээс харахад
- 1 өрөө байр нийт зарын 22%,
- 2 өрөө байр 49%,
- 3 өрөө байр 20%,
- 4 өрөө байр 8%-ийг эзэлж байна.
Хуучин байр үнийн хувьд ЧД, ХУД, СБД-т 1-4 өрөө байрууд хамгийн үнэтэй, СХД-т хамгийн хямд байна.
Хуучин орон сууцны дундаж үнийг өрөөний тоогоор ангилан харвал дараах байдалтай байна.
Хуучин орон сууцны дундаж үнэ /2014 оны 11 сар/
| Дүүрэг | Түүврийн тоо | Байрны тоо | 1 ӨРӨӨ БАЙР | 2 ӨРӨӨ БАЙР | 3 ӨРӨӨ БАЙР | 4 ӨРӨӨ БАЙР | ||||
| ҮНЭ | түүвэр | ҮНЭ | түүвэр | ҮНЭ | түүвэр | ҮНЭ | түүвэр | |||
| БГД | 82 | 80 | 67,020,000 | 20 | 103,566,933 | 45 | 152,266,667 | 15 | 249,165,000 | 2 |
| БЗД | 84 | 77 | 58,700,000 | 12 | 99,621,256 | 43 | 148,305,208 | 24 | 218,560,000 | 5 |
| СБД | 35 | 34 | 79,298,000 | 10 | 121,658,824 | 17 | 236,750,000 | 4 | 283,357,500 | 4 |
| СХД | 42 | 37 | 62,276,923 | 13 | 77,117,647 | 17 | 112,833,333 | 6 | 138,333,333 | 6 |
| ХУД | 34 | 31 | 71,945,375 | 8 | 137,595,821 | 14 | 197,125,000 | 8 | 299,591,250 | 4 |
| ЧД | 18 | 16 | 68,333,333 | 3 | 114,000,000 | 10 | 126,000,000 | 3 | 582,050,000 | 2 |
| ДҮН | 295 | 275 | 67,090,045 | 66 | 105,409,366 | 146 | 157,038,750 | 60 | 257,261,957 | 23 |
Хуучин орон сууцны барилгын хийцийг
- Бүрэн цутгамал
- Төмөр бетон карказ
- Угсармал
- Тоосгон гэж ерөнхийд нь ангилсан
Нийт зард тавигдсан орон сууцны барилгын хувьд барилгын хийц, барилгын байршилыг авч үзье.
Байршилыг 2 ангилсан
- Хотын төв
- Хотын төв бус
Хотын төвд Баруун 4 замаас Баянбүрдийн уулзвар Сансарын аюулгүйн тойрог Зүүн 4 замыг өнгөрөн Нарантуулын баруун урд уулзвар Шинэ нарны гүүрний уулзвар баруун 4 зам гэсэн авто замаар зааглан энэ тойрог дотор орших орон сууцны барилгыг хотын төв гэж үзэж цаашид судалгаанд ашиглана.
Үүнийг Дүүрэг хороогоор тайлбарлавал
- ЧД-ийн 1-6-р хороод
- СБД-ийн 1-8-р хороод
- БЗД-ийн 1, 3, 6, 15, 25-р хороод тус тус багтана.
Түүврийн хувьд барилгын хийц, байршилыг ерөнхийд нь авч үзвэл
| Дүүрэг | Түүвэр | Барилгын хийц | Байршил | ||||
| Бүрэн цутгамал | Карказ | Тоосгон | Угсармал | Хотын төв | Хотын төв бус | ||
| БГД | 82 | 1 | 44 | 15 | 22 | 0 | 82 |
| БЗД | 84 | 10 | 40 | 7 | 27 | 30 | 54 |
| СБД | 35 | 4 | 12 | 10 | 9 | 29 | 6 |
| СХД | 42 | 2 | 16 | 4 | 20 | 0 | 42 |
| ХУД | 34 | 11 | 17 | 4 | 2 | 0 | 34 |
| ЧД | 18 | 1 | 5 | 6 | 6 | 18 | 0 |
| ДҮН | 295 | 29 | 134 | 46 | 86 | 77 | 218 |
1.2 ХУУЧИН ОРОН СУУЦНЫ ҮНЭНД НӨЛӨӨЛСӨН ХҮЧИН ЗҮЙЛС
Хуучин орон сууцны үнэ чухам юунаас хамаарч, үнэ тогтооход ямар хүчин зүйлс нөлөөлж буйг хэмжин тогтоох боломжтой бөгөөд 11-р сарын байдлаар хуучин орон сууцны үнэд нөлөөлөх дараах хүчин зүйлсийг авч үзлээ. Үүнд:
1. Барилгын хийц
- Бүрэн цутгамал
- Төмөр бетон карказ
- Тоосго
- Угсармал гэж ангилсан бөгөөд бүрэн цутгамал болон бусад хийцээс хамаарсан эсэх
2. Байршил
- Хотын төв
- Хотын төвд хамаарахгүй гэж ангилсан бөгөөд үүнээс хамаарсан эсэх
3. Өрөөний хэмжээ
4. Өрөөний тоо
5. Ашиглалтанд орсон он
6. Барилгын нийт давхар
7. Тухайн байрны давхар
8. Агаарын бохирдол /Агаарын чанарын индекс буюу АЧИ-ийн дундаж/
- SO2 хүхэрлэг хий
- NO2 азотын давхар исэл
- PM2.5 жижиг ширхэглэлт тоосонцор
- PM10 том ширхэглэлт тоосонцор Зэрэг багтах бөгөөд 2014 оны 02 сарын хэмжилтийн үр дүнг суурь болгон авсан
9. Тухайн байрны давхар орон сууцны хамгийн дээд давхарт байрладаг эсэх
Эдгээр 9 хүчин зүйлээр шинжилгээ хийж үзэхэд тухайн орон сууцны давхар нөлөөлөхгүй байсан бөгөөд бусад 6 хүчин зүйлээр хуучин орон сууцны үнэ 88.9% тайлбарлагдаж байв. Бусад хүчин зүйл орон сууцны үнэнд хэрхэн нөлөөлсөнийг авч үзье.
- АЧИ буюу тухайн байрны байрлал дахь агаарын чанарын индекс нэмэгдэхэд байрны үнэ буурах хамааралтай
- Өрөөний хэмжээ 1м2 -аар нэмэгдвэл байрны үнэ дундажаар 2 сая төгрөгөөр нэмэгдэх хамааралтай
- Тухайн байрны барилгын нийт давхар өндөр болох тусмаа байрны үнэ нэмэгдэх хамааралтай
- Тухайн орон сууцны ашиглалтанд орсон он Нэг оноор шинэчлэгдэхэд байрны үнэ буурах хамааралтай
- Тухайн байрны барилгын хийц хэрэв бүрэн цутгамал бол байрны үнэ нэмэгдэх хамааралтай
- Тухайн байрны байршил хотын төвд бол байрны үнэ нэмэгдэх хамааралтай
II. ШИНЭ ОРОН СУУЦНЫ ЗАХ ЗЭЭЛ
2.1 ХЭРЭГЖИЖ БУЙ ОРОН СУУЦНЫ ТӨСӨЛ, ХАНШИЙН МЭДЭЭ
Улаанбаатар хотын хэмжээнд 2014 оны 11 сарын байдлаар нийт 162 төсөл хэрэгжиж байна.
Нийт төслийн 69 орчим хувийг нийслэлийн Баянзүрх болон Хан-уул дүүрэг дангаараа эзэлж байна.
Шинэ орон сууцны төслийн тоо дүнд эзлэх хувиар, дүүргээр /2014 оны 11 сар/
Зах зээл дээр борлуулалт хийж буй ашиглалтанд орсон болон ашиглалтанд ороогүй орон сууцны 1м2–ын дундаж үнийг авч үзэхэд энэ оны 11-р сарын байдлаар 2358.2 мянган төгрөг байна.
Шинэ орон сууцны дундаж үнийг дүүргээр авч үзэхэд
- Шинэ байрны дундаж үнэ XI сарын байдлаар СБД-т 2,855 мянган төгрөг
- Шинэ байрны дундаж үнэ XI сарын байдлаар ХУД-т 2,676 мянган төгрөг
- Шинэ байрны дундаж үнэ XI сарын байдлаар БЗД-т 2,275 мянган төгрөг
- Шинэ байрны дундаж үнэ XI сарын байдлаар Бусад дүүрэгт 2 сая ба түүнээс доош үнэлгээтэй гарлаа.
Үнийн ялгаатай байдал барилгын хийц, зэрэглэл болон байршлаар /2014 оны 11 сар/
Үнийн ялгаатай байдал барилгын явцаар /2014 оны 11 сар/
2.2 ОРОН СУУЦНЫ ҮНЭНД НӨЛӨӨЛСӨН ХҮЧИН ЗҮЙЛС
УБ-ын төвийн 6 дүүргийн борлуулалт хийж буй 162 төслийн мэдээлэлд тулгуурлан орон сууцны 1м2-ийн үнэ ямар ямар дотоод хүчин зүйлээс хамаарч байгааг тогтоохыг зорив. 2014 оны 11 сарын байдлаар дараах дотоод хүчин зүйлийг таамаг хүчин болгон дэвшүүлж гаргалаа. Үүнд:
- Тухайн төслийн байршил /хотын төв эсэх/
- Тухайн төслийн барилгын нийт давхар
- Барилгын явц /хувь/
- АЧИ /дундаж/
- Зэрэглэл /тансаг, дээд болон бусад/
- Урьдчилгаа төлбөр /хувь/
- Тухайн төслийн нийт айлын тоо
- Ашиглалтанд орох хугацаа
- Зогсоолтой эсэх /дулаан зогсоол шийдсэн эсэх/
- Барилгын хийц /бүрэн цутгамал болон бусад/
Гэсэн бүрэн мэдээлэл авч болох хүчин зүйлсийг 1м2 –ийн үнэлгээнд нөлөөлнө гэж тооцон таамагласан бөгөөд үүнээс шинжилгээ хийж үзэхэд дараах 5 хүчин зүйл нь төслийн орон сууцны 1м2-н үнийг 72.1% тайлбарлаж байна.
- Тухайн төслийн байрлал хотын төвд бол байрны 1м2 үнэ дундажаар 326 мянган төгрөгөөр нэмэгдэх хамааралтай
- Тухайн барилгын явц 1%-иар нэмэгдэхэд байрны 1м2 үнэ нэмэгдэх хамааралтай
- Тухайн барилгын байрлал дахь дундаж АЧИ нэмэгдэхэд байрны 1м2 үнэ буурах хамааралтай
- Тухайн төслийн зэрэглэл тансаг болон дээд бол байрны 1м2 үнэ дундажаар 1,2 сая төгрөгөөр нэмэгдэх хамааралтай
- Тухайн төслийн ашиглалтанд орох хугацаа 1 сараар хойшлоход байрны 1м2 үнэ нэмэгдэх хамааралтай
Ерөнхийдөө төслийн хувьд 1м2 –ийн үнэ дээрх 5 хүчин зүйлээс хамаарч байна.
III. ОФФИСЫН ХАНШИЙН МЭДЭЭ
Оффисын зах зээлийг 11 сарын байдлаар зар сонин, өдрийн сонин болон бусад эх үүсвэрээс оффисын талбай зарах 5 газрын, түрээслэх 39 газрын мэдээ цуглууллаа.
Оффисын ханшийн мэдээ /2014 оны 11 сар/
| ШАЛГУУР | АНГИЛАЛ | ЗАРАХ | ТҮРЭЭСЛЭХ | ||
| Зарын тоо | 1М2-н дундаж үнэ ₮ | Зарын тоо | 1М2-н дундаж үнэ ₮ | ||
| ДҮҮРЭГ | БГД | 2 | 3,575,000 | 9 | 21,715 |
| БЗД | - | - | 4 | 29,150 | |
| СБД | 3 | 4,467,555 | 19 | 31,132 | |
| СХД | - | - | 2 | 35,000 | |
| ЧД | - | - | 5 | 36,000 | |
| АШИГЛАЛТАНД ОРСОН/ОРОХ | 2003-2005 | 1 | 2,500,000 | 7 | 25,463 |
| 2006-2010 | 1 | 3,900,000 | 15 | 30,047 | |
| 2011 | 1 | 4,699,425 | 2 | 25,500 | |
| 2013 | - | - | 6 | 30,667 | |
| 2014 | 1 | 6,203,241 | 3 | 48,333 | |
| Хуучны он тодорхойгүй | 1 | 3,250,000 | 6 | 24,100 | |
| ДҮН | 5 | 4,110,533 | 39 | 29,578 | |
IV. ХАУСЫН ХАНШИЙН МЭДЭЭ
УБ хотын төвийн инженерийн шугам сүлжээнд холбогдсон таун хаус болон хаусын 09 сарын үнийг төлөөлөл болгон 15 хаусын мэдээллийг цуглуулан хүргэж байна.
Энэхүү 15 хаус нь захиалга авч буй хотхоны зохион байгуулалттай болно.
| # | Дүүрэг | Төрөл | Үнэ м2₮ | Нийт үнэ | Өрөөний хэмжээ |
|---|---|---|---|---|---|
| 1 | СБД | Таун хаус | 625,000 | 150,000,000 | 240 |
| 2 | СБД | Хаус | 827,068 | 220,000,000 | 266 |
| 3 | СБД | Таун хаус | 1,818,182 | 220,000,000 | 121 |
| 4 | ХУД | Таун хаус | 2,000,000 | 340,000,000 | 170 |
| 5 | ХУД | Хаус | 2,100,000 | 749,700,000 | 357 |
| 6 | СБД | Пент хаус | 2,200,000 | 253,000,000 | 115 |
| 7 | ХУД | Пент хаус | 2,250,000 | 297,000,000 | 132 |
| 8 | ХУД | Хаус | 2,500,000 | 575,000,000 | 230 |
| 9 | ХУД | Таун хаус | 2,592,593 | 700,000,000 | 270 |
| 10 | БЗД | Хаус | 2,600,000 | 780,000,000 | 300 |
| 11 | ХУД | Пент хаус | 3,000,000 | 450,000,000 | 150 |
| 12 | СХД | Таун хаус | 3,000,000 | 567,000,000 | 189 |
| 13 | ХУД | Хаус | 3,337,200 | 843,300,000 | 250 |
| 14 | ХУД | Таун хаус | 4,635,000 | 1,297,800,000 | 280 |
| 15 | ХУД | Таун хаус | 5,000,000 | 1,050,000,000 | 210 |
| ДУНДАЖ | 2,219,234 | 472,000,000 | 215 |
Уг судалгааны тайлантай холбоотой асуудлаар тодруулга авахыг хүсвэл доорх хаягаар холбогдоно уу.
REAL PROPERTIES ULAANBAATAR - Үл хөдлөх хөрөнгийн худалдаа зуучлалын компани
Утас: 77113311
