2014 оны эхний 10 сарыг 2013 оны мөн үетэй харьцуулахад импорт 16 хувиар буурчээ
Нийт импортын:
Хөрөнгө оруулалтын бүтээгдэхүүний нийт импортод эзлэх хувь өнгөрсөн оны мөн үеэс дөрвөн хувиар буурсан бол хэрэглээний болон нефтийн бүтээгдэхүүний хувийн жин өнгөрсөн оны мөн үеийн түвшинд хадгалагдсан байна.
Импортын бууралтыг ерөнхий ангиллаар задалвал хөрөнгө оруулалтын бүтээгдэхүүний бууралт нь 11 хувийг, нефтийн бүтээгдэхүүний импортын бууралт 3 хувийг тус тус тайлбарлаж байна.
Эхний 3 сарын байдлаар нефтийн импорт нийт импортын бууралтын 8 хувийг тайлбарлаж байсан бол хоёрдугаар улирлаас эхлэн нефтийн импорт өссөнөөр уг үзүүлэлт 3 хувь болж буурсан байна.
Хөрөнгө оруулалтын бүтээгдэхүүний импорт өмнөх оноос 25 хувиар буюу 614 сая ам.доллараар, нефтийн бүтээгдэхүүний импорт 14 хувиар буюу 157 сая ам.доллараар буурсан нь нийт импортийг 16.2 хувиар буурахад голлон нөлөөлжээ.
Үүнийг цэвэр гадаадын хөрөнгө оруулалттай холбон тайлбарлаж болох юм. Уул уурхайн салбар дахь гадаадын хөрөнгө оруулалт буурч машин техник, тоног төхөөрөмжийн импорт буурсан бол мөн үүнийг дагаж дизель түлшний хэрэглээ гэхэд 24 хувиар буурсан байна.
2013 оны импортын бүтцийг харвал:
СУУДЛЫН АВТОМАШИН, ТҮҮНИЙ СЭЛБЭГ ХЭРЭГСЛИЙН ИМПОРТ 26 ХУВИАР БУУРЧЭЭ
Импортын барааны гүйцэтгэл (сая ам.доллар)
2014 | 2013 | Өөрчлөлт | |||||
---|---|---|---|---|---|---|---|
Төрөл | Дүн | % | Дүн | % | Дүн | Хувь | Хувь 2* |
Хэрэглээний бүтээгдэхүүн | 1,135 | 25% | 1,261 | 24% | (125) | -10% | -2% |
Түргэн эдэлгээтэй | 616 | 14% | 629 | 12% | (14) | -2% | -1% |
Хүнс | 429 | 10% | 452 | 8% | (23) | -5% | -2% |
Эм, тариа | 64 | 1% | 62 | 1% | 2 | 3% | 0% |
Бусад түргэн эдэлгээтэй бараа | 123 | 3% | 116 | 2% | 7 | 6% | 1% |
Удаан эдэлгээтэй бараа | 519 | 12% | 631 | 12% | (112) | -18% | -9% |
Гутал, хувцас, цүнх | 49 | 1% | 45 | 1% | 4 | 8% | 0% |
Гэр ахуйн цах.хэрэгсэл ба тавилга | 109 | 2% | 122 | 2% | (14) | -11% | -1% |
Авто машин, түүний сэлбэг хэрэгсэл | 301 | 7% | 405 | 8% | (104) | -26% | -8% |
Бусад удаан эдэлгээтэй бараа | 61 | 1% | 59 | 1% | 2 | 4% | 0% |
Хөрөнгө оруулалтын бүтээгдэхүүн | 1,859 | 42% | 2,473 | 46% | (614) | -25% | -11% |
Машин, техник тоног төхөөрөмж, эд анги | 967 | 22% | 1,597 | 30% | (631) | -39% | -26% |
Суудлаас бусад тээврийн хэрэгсэл, эд анги | 242 | 5% | 528 | 10% | (287) | -54% | -12% |
Машин, механик, тоног төхөөрөмж, эд анги | 725 | 16% | 1,069 | 20% | (344) | -32% | -14% |
Барилгын материал | 697 | 16% | 669 | 13% | 28 | 4% | 1% |
Хөрөнгө оруулалтын бусад бараа | 195 | 4% | 206 | 4% | (11) | -6% | 0% |
Аж үйлдвэрийн орц | 504 | 11% | 484 | 9% | 20 | 4% | 0% |
Хүнсний орц | 30 | 1% | 17 | 0% | 13 | 79% | 3% |
Химийн бүтээгдэхүүн | 77 | 2% | 81 | 2% | (4) | -5% | -1% |
Даавуу, утас, арьс, савхин эдлэл | 13 | 0% | 21 | 0% | (8) | -36% | -2% |
Цахилгаан эрчим хүч | 104 | 2% | 81 | 2% | 22 | 28% | 5% |
Металлын хүдэр, баяжмал болон хаягдал | 0 | 0% | 0 | 0% | 0 | -10% | 0% |
Бусад аж үйлдвэрлэлийн зориулалтат | 280 | 6% | 284 | 5% | (4) | -1% | -1% |
Нефтийн бүтээгдэхүүн | 964 | 22% | 1,121 | 21% | (157) | -14% | -3% |
Дизель түлш | 537 | 12% | 703 | 13% | (166) | -24% | -15% |
АИ-92, АИ-95 | 272 | 6% | 250 | 5% | 23 | 9% | 2% |
А-80 болон бусад | 155 | 3% | 168 | 3% | (13) | -8% | -1% |
Бусад | 12 | 0% | 3 | 0% | 9 | 310% | 0% |
Нийт | 4,474 | 5,341 | (867) | -16.20% | |||
%2-Ерөнхий бүлгийн өсөлтөд оруулсан хувь нэмэр |
Хэрэглээний бүтээгдэхүүний импорт өнгөрсөн оны мөн үеэс 10 хувиар буюу 125 сая ам.доллараар буурахад удаан эдэлгээтэй барааны импорт, ялангуяа суудлын автомашин, түүний сэлбэг хэрэгслийн импорт 26 хувиар буурсан нь голлон нөлөөлсөн байна.
Түргэн эдэлгээтэй хэрэглээний барааны импортын өсөлт 2013 оны эхнээс эхлэн тогтмол түвшинд байсан бол 7 сараас эхлэн буурах хандлагатай болсон. Харин удаан эдэлгээтэй хэрэглээний барааны импортын өсөлт 2013 оны наймдугаар сараас эхлэн тогтмол буурч байна.
Харин барилгын материалын импорт өнгөрсөн оны мөн үеэс 4 хувиар буюу 28 сая ам.доллараар өсчээ.
Аж үйлдвэрлэлийн орцын импорт 4 хувиар буюу 20 сая ам.доллараар өссөн нь ерөнхий ангиллуудын хувьд өсөлттэй гарсан ганц бүлэг болж байна. Энэ нь цахилгаан эрчим хүчний импортын өсөлтөөр голлон тодорхойлогдож байна. Оюутолгойн зэс, алтны уурхайн үйл ажиллагаа жигдэрснээр 2013 оны тавдугаар сараас эхлэн эрчим хүчний импорт огцом нэмэгдсэн байна.
Мөн нефтийн бүтээгдэхүүний импорт 14 хувиар буюу 157 сая ам.доллараар буурчээ.