Форбес: Дэлхийн хамгийн ХҮЧИРХЭГ хүмүүс
Форбес сэтгүүлээс жил бүр гаргадаг хамгийн хүчирхэг хүмүүсийн жагсаалт дэлхий дахины сонирхлыг хамгийн их татдаг билээ. Өчигдөр буюу арваннэгдүгээр сарын 5-нд тус сэтгүүлээс энэ оны хамгийн хүчирхэг 72 хүнийг нэрлэжээ.
Санал асуулгад нийт зуун сая гаруй хүн оролцсон бөгөөд тус сэтгүүлийн редакторууд энэ жагсаалтыг эмхтгэсэн юм. Тэд жагсаалыг эмхтгэхдээ нэр дэвшигчдийн улс төр, эдийн засгийн хүч, хөрөнгөний хэмжээ, эрх мэдэл, олон хүмүүст нөлөөлөх чадвар зэрэг хэд хэдэн зүйлийг харгалзаж үзсэн байна.
Нэгдүгээр байранд буюу дэлхийн хамгийн хүчирхэг хүнээр ОХУ-ын Ерөнхийлөгч Владимир Путинг нэрлэсэн бол хоёрдугаар байранд АНУ-ын Ерөнхийлөгч Барак Обама нэрлэгджээ. Харин энэ хоёрын араас БНХАУ-ын дарга Си Зиньпин нэрлэгдэж тус жагсаалын гуравдугаарт бичигджээ. Тэдний араас Ромын Пап лам, ХБНГУ-ын канцлер Ангела Меркель, Билл Гейтс зэрэг энэ жагсаалтад байнга бичигддэг алдартнууд орсон байна. Эхний дөрвөн хүний нэр өнгөрсөн оныхоос өөрчлөгдөөгүй байгаа нь тэдний хэр зэрэг нөлөөтэй, хүчирхэг болохыг харууллаа.
Пап ламын хувьд дэлхийн хүн амын зургааны нэг буюу 1.2 тэрбум Католикчуудын шашны тэргүүн гэдэг утгаараа дэлхийн хамгийн хүчирхэг орнуудын ерөнхийлөгчидтэй мөр зэрэгцэж байгаа билээ.
Зургаадугаар байранд АНУ-ын Холбооны нөөцийн санг удирдаж буй Жанет Еллен оржээ. Иелийн их сургуульд докторын зэрэг хамгаалсан, 68 настай тэрээр жагсаалтад энэ жил нэлээд дээгүүр орсон байна.
Энэхүү жагсаалтанд улс төр, технологи, санхүүгийн салбарынхан дийлэнх хувийг эзэлж байна. Жишээ нь: Гүүглийг үндэслэгч Ларри Пэйж, Сергей Брин нар есдүгээрт, Фэйсбүүкийг үндэслэгч Зукерберг 22 дугаарт, интернет худалдааны alibaba.com сайтыг үүсгэн байгуулагч, Хятадын тэрбумтан 23 тэрбум долларын хөрөнгөтэй Жак Ма 30 дугаар байрт оржээ.
Ингээд “Дэлхийн хамгийн хүчирхэг хүмүүс 2014” жагсаалтын эхний арван байрт орсон хүмүүсийг танилцуулъя.
Эх сурвалж: Forbes
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
