ФОТО: Төв талбайд Их хотын хямдрал болж байна
Нийслэлийн 375 жилийн ойн өдрийг тохиолдуулан Чингисийн талбайд “Их хотын хямдрал 375” үзэсгэлэн худалдаа болж байна.
Тус үзэсгэлэн худалдаа нь 13.30 цагт эхэлсэн бөгөөд үндэсний томоохон үйлдвэрлэгч, импортлогч худалдаа, үйлчилгээ эрхлэгч 100 гаруй аж ахуйн нэгж, “Арьс шир үйлдвэрлэгчдийн холбоо”, “Ноос ноолуурын холбоо” зэрэг төрийн бус байгууллагууд оролцож тодорхой нэр төрлийн бараа бүтээгдэхүүнд хямдрал зарлаж, иргэдэд үйлчиллээ.
Мөн тус үзэсгэлэн худалдааны үеэр нийслэлд үйл ажиллагаа явуулж буй хүнсний үйлдвэрлэл, үйлчилгээний газрууд амталгаат худалдаа зохион байгуулж, бүтээгдэхүүнээ 10-30 хувийн хямдралтай борлуулж байгаа юм.
Харин бэлэн хувцас, ноос ноолуур, арьс шир үйлдвэрлэлийн байгууллагууд 30-50 хувийн хямдралаар иргэдэд бэлэг барилаа.
Иргэд үзэсгэлэн худалдаа сонирхож, хоолны амталгаа хийх зуураа баярын парадыг үзэж их хотынхоо ойн баярыг тэмдэглэн өнгөрүүлж байна.
Мөн үзэсгэлэн худалдаанд оролцож буй байгууллагуудаас худалдан авалт хийсэн иргэд хонжворт сугалаанд оролцож гарын бэлгээр шагнууллаа.
Үүнтэй холбоотой Чингисийн талбай хөл хөдөлгөөн ихтэй байгаа бөгөөд тус үзэсгэлэн худалдаа нь бүтэн өдрийн турш үргэлжлэх юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
