ФОТО МЭДЭЭ: Нийслэлчүүд шинэ оноо ингэж угтав
“Улаанбаатарын мөнгөн шөнө” нийслэлийн шинэ жилийн баярын цэнгүүн 31-ний орой Чингисийн талбайд болж нийслэлчүүд шинэ оноо дуутай, хууртай сайхан угтлаа.
Цэнгүүнд урлаг соёлын 50 гаруй уран бүтээлчид ая дуугаа өргөсөн. Тухайлбал дуучин Т.Ариунаа “Шинэ жилийн баяр”, A Sound хамтлаг “Шал дэмий” дуугаа дуулсан. Үүнээс гадна "Madness", Реппер Gee, "The Lemons", "Аnemone", "Lumino" зэрэг хамтлаг уран бүтээлээсээ толилууж нийслэлчүүдээ доргиосон юм.
Мөн өвлийн өвгөн цасан охидтойгоо ирж баярын мэндчилгээ дэвшүүлсэн. Яг он гарахын өмнө буюу 23.59 цагт Нийслэлийн Иргэдийн Төлөөлөгчдийн хурлын дарга Д.Баттулга үг хэлж хуран цугласан иргэддээ баярын мэндчилгээ дэвшүүлсэн юм.
Үүний дараагаар салют буудуулж үдшийн тэнгэрийг гэрэлтүүлсэн нь хамгийн сүртэй байв.
Гэрэл зургийн хальснаа түүх болон үлдсэн 2013 оны арванхоёрдугаар сарын 31-ний “Улаанбаатарын мөнгөн шөнө”-ийн зургуудыг толилуулж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
