2019 оны 11 сарын 19
Мэдээллийн технологи

Хамгийн өндөр цалин авч болох IT-ийн сертификатууд

2019 оны байдлаар хойд Америкт хамгийн өндөр цалинг авах боломжийг олгож буй IT-ийн 10 сертификатын талаар мэдээлэл хүргэе. Энэхүү судалгааг гаргахдаа IT буюу мэдээллийн технологийн мэргэжилтнүүдийн үүсэж буй хэрэгцээ шаардлага болон 2019 оны 2 дугаар улирлын байдлаар олгогдож буй цалингийн хэмжээ зэргийг үндэслэн Global Knowledge компани гаргасан байна.

Хамгийн эрэлттэй мэргэшлүүдэд сүлжээ, мэдээллийн аюулгүй байдал, cloud computing, төслийн менежментийн ур чадваруудыг олгох сертификатууд орсон байна. Мэдээж эрэлт хэрэгцээ жилээс жилд өөрчлөгдөж байгааг анхаарна уу.

IT-ийн мэргэжилтэй залуус дараах зүйлсийн аль нэгийг зорьж байгаа бол эдгээр сертификатын сургалтыг сонгох нь зүйтэй.

  1. IT карьертаа өөрчлөлт хийхийг хүсэж байгаа бол
  2. Ямар нэг чиглэлээр гүнзгийрсэн ур чадвар олж авахыг хүсэж байгаа бол
  3. Яг одоо ажиллаж буй чиглэлээ арай өөр чиглэлд өөрчлөхийг эрмэлзэж байгаа бол

Эдгээр сертификатын сургалтыг хаанаас олж авах вэ?

Сургалтуудыг дараах платформуудаас онлайнаар суралцаж сертификатуудыг эзэмшиж болно.

  1. LinkedIn Learning (Хуучнаар Lynda.com)– 6,000 гаруй онлайн курсууд байдаг, дийлэнх нь технологийн чиглэлээр, мэдээж зохих төлбөрийг төлөх ёстой.
  2. Coursera – 3,500 гаруй онлайн курсуудыг санал болгодог. Эдгээрийн ихэнх нь аль нэг их сургууль, коллежийн хөтөлбөрүүд байдаг бөгөөд онлайнаар дүүргэх боломжийг олгодог.
  3. Udemy – 65,000 гаруй онлайн курсыг санал болгодог. Төрөл бүрийн хөнгөлөлтийг олгодог, үнийн хувьд боломжийн. Зөв курсээ сонгож чадвал хамгийн тохиромжтой нь юм.
  4. edX – Harvard, MIT зэрэг алдартай сургууль үүсгэн байгуулсан. 20 сая гаруй хэрэглэгчтэй, 2,600 гаруй онлайн курсыг санал болгодог. Microsoft, IBM, Amazon гэх мэт томоохон компаниуд бас сургалтуудаа edX -р дамжуулан олгодог.

Ингээд хамгийн өндөр цалинг авч болох IT-н 10 сертификатын талаар дараах зургуудаас дэлгэрүүлж харна уу. 

x