ХУУЧИРСАН МЭДЭЭ: 2016/09/15-НД НИЙТЛЭГДСЭН

2020 он хүртэл хотыг хөгжүүлэх төлөвлөгөөнд юу тусгагдав?

А.Төгөлдөр, iKon.mn
2016 оны 9 сарын 15
iKon.MN
 

Нийслэлээс сонгогдсон УИХ-ын гишүүдтэй хотын дарга зөвлөлдөх уулзалт хийсэн билээ. Энэ үеэр Нийслэлийн хот байгуулалт, ерөнхий төлөвлөгөөний газрын дарга Э.Анар хотын ерөнхий төлөвлөгөөг төрийн түшээдэд танилцуулав.

Улаанбаатар хотын Ерөнхий төлөвлөгөөг 1954 онд 125 мянган хүнтэй байхаар, 1963 онд 250 мянган хүнтэй байхаар, 1971 онд 600 мянган хүнтэй байхаар 1984 онд 850 мянган хүнтэй байхаар хийж байжээ.

Харин “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 оны хөгжлийн чиг хандлагын баримт бичиг”-ийг 2013 онд УИХ-аас баталсан бөгөөд 2030 онд хотод 1 сая 763 мянган хүн амьдрахаар тооцон төлөвлөлжээ.

Баримт бичигт тусгаснаар хотын хөгжлийн тэргүүлэх чиглэлүүдийг эрүүл, аюулгүй “Ногоон хот”, амьдралын таатай орчинг бүрдүүлсэн хот, иргэд хувийн хэвшлийн оролцоонд суурилсан “Сайн засаглалтай” хот, олон төв суурьшлын зохистой тогтолцоонд суурилсан хот, аялал жуучлалын төв хот, олон улсад өрсөлдөх чадвартай хөгжингүй хот болно гэж тодорхойлсон байна.

Мөн 2020 оны хотын дүр төрхийг төвийн болон хэрэглээний бүх төрлийн ухаалаг шийдлийг дэмжин, хэрэгцээнээс илүү төлөвлөлтгүй, илүү зардалгүй, ухаалаг, хүрээлэн буй орчинд ээлтэй, эдийн засгийн эрч хүчтэй хот болсон байна гэж үзэж байгаа юм. Хотын ерөнхий төлөвлөгөөнд тусгаснаар Улаанбаатар хотын төвлөрлийг сааруулах бодлогын хүрээнд Налайх, Багахангай, Багануур дүүргийг үйлдвэрлэл, үйлчилгээний тодорхой чиглэлээр төрөлжүүлэн дагуул хот болгон хөгжүүлэхээр заасан гэдгийг тэрээр хэллээ.

Мөн Хөшигийн хөндийд шинээр барих олон улсын нисэх онгоцны буудлыг түшиглэн засвар үйлчилгээ, мэдээлэл технологи, худалдаа бизнес, төмөр зам, агаарын тээврийн ложистик төвлөрсөн “Аэро сити”  шинэ хот байгуулах,  Эмээлт, Аргалант орчмыг Эмээлт өртөөг түшиглэн хөнгөн аж үйлдвэрийн парк, хөдөө аж ахуйн түүхий эдийн бирж, ложистик, агуулахын аж ахуйг хөгжүүлсэн шинэ хот байгуулахаар төлөвлөжээ.

Гачуурт, Өлзийт хороолол, Био, Сонгино, Партизан Жаргалант, Рашаантыг дагуул хот маягын тосгон болгон хөгжүүлэхээр тусгасан байна. Тухайлбал  Гачуурт тосгоныг 1,164 га нутаг дэвсгэртэй, 7,000 хүн ам бүхий, амралт зугаалга, зуслан суурьшил, байгалийн аялал жуулчлал хөгжсөн тосгон болгохоор төлөвлөсөн байна.

Харин Өлзийт хороог 923,1 га нутаг дэвсгэртэй, 5,000 хүн амтай, жимс жимсгэнэ, хүнсний нарийн ногооны хүлэмжийн аж ахуй, жижиг, дунд үйлдвэрлэл түлхүү хөгжүүлсэн, Улаанбаатар хотын дагуул хот маягийн тосгон болгон хөгжүүлнэ гэж Улаанбаатар хотын Хөжглйин ерөнхий төлөвлөгөөний баримт бичигт тусгажээ.

Дагуул хот сууринг Улаанбаатар хоттой холбосон автозамын сүлжээг сайжруулж, Богд уулын өврөөр шинэ нисэх онгоцны буудлаар дайруулан гол замтай холбосон хурдны зам тавих юм.

Налайх-Улаанбаатарыг холбосон автозамыг өргөтгөж,  хотын дундуур гарсан хурдны замыг Налайхын замтай зэрэгцүүлэн үргэлжлүүлж, Налайх хоттой холбохоор тусгажээ.

Хотын гудамж замын сүлжээг эрс шинэчлэн, замын хөдөлгөөний нягтралыг сарниулах, замын хөдөлгөөнийг жигд тархаах зорилгоор шинээр төлөвлөж буй төв, дэд төвүүдийг холбосон, хотын төвийг тойрсон 4 цагриг зам, хэвтээ чиглэлд хотын дундуур гарсан зэрэгцээ 6, босоо чиглэлд зэрэгцээ 9 гол гудамж зам байхаар  төлөвлөсөн байна.

Ингэснээр 2030 онд Улаанбаатар 60 км урттай хурдны замтай,  хатуу хучилттай замын нийт урт 3,000 километрт хүрэх гэж тооцжээ.  Одоогийн байгаа ногоон байгууламжийн хэмжээг ч нэмэгдүүлж, хотжилтыг хязгаарлах бүсүүдийн хил заагийг шинээр тогтоох юм байна. Хотын ерөний төлөвоөгөөг  хэрэгжүүлж чадвал Улаанбаатар хот “Аз жаргалтай хот” болж чадна гэдгийг тэрээр тодотгов гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. 

Энэ мэдээнд өгөх таны хариулал?
10
Зураг
ХАХА
3
Зураг
ЗӨВ, ГОЁ
1
Зураг
БАХАРХМААР
1
Зураг
ТЭНЭГЛЭЛ
Зураг
ХӨӨРХӨН ЮМ
Зураг
ГАЙХМААР
Зураг
ХАРАМСАЛТАЙ
Зураг
БУРУУ
ИЛГЭЭХ
БОЛИХ
Зураг
Баярлалаа
10 СЭТГЭГДЭЛТЭЙ
0/1000
Эхний
Сүүлийн
Шилдэг
aaa [203.91.115.39] 2016/9/17
Emeelt, hui 7 hudagiig tultal ni ashiglah ni zuv baigaa yum daa. zunii 3 sar tendee naadamlaj juulchidiig tatdag baih heregtei. juulchid ch geltgui bid uursduu emeelt hui 7-d uzej harah yum hiih heregtei.
1 | 0 Хариулах
Зочин [139.5.217.102] 2016/9/16
BULLSHIT
0 | 0 Хариулах
зочин [43.242.242.59] 2016/9/16
зүгээр байгаа мөнгөндөө тааруулаад хамгийн эхэнд хийж болох юм,мөн заавал мөнгө шаардахгүйгээр зохион байгуулалтыг сайжруулаад хийчихэж болох юмаа яримаар юмаа.ингэж үлгэр ярьж байх хэрэггүй шүү дээ муу новшинцруудаа.
0 | 0 Хариулах
Зочин [202.21.106.135] 2016/9/16
Их өргүй мөнгөтэй хүмүүс шиг юм хэдэхийн? 17 оны өрийг яах гэсийн бол ???
0 | 0 Хариулах
WAVY [202.9.44.129] 2016/9/16
Бүхэл бүтэн 15 жилийн хугацаанд бүхэл бүтэн улсын нийслэлд хийх ажлын төлөвлөгөө гэхэд бага л харагдаж байна даа. 60 км хурдны зам гэнэ үү?
1 | 0 Хариулах
Зочин [202.9.44.127] 2016/9/15
Barahuu batsanuudaa geyd
1 | 0 Хариулах
Зочин [178.162.216.38] 2016/9/15
Э.Хүрэлбаатар гэж хотын ерөнхий архитекторч гэж байгаа гэтэл энэ нөхөр хотын хамаг сул хоосон талбай болгонд барилга барьж хөрөнгжсөн. Ийм хүн Хотын захиргаанд ажиллахаар Хот төлөвлөлтийн талаар яриадч хэрэггүй.
3 | 0 Хариулах
acdacsvdjzl;z [139.5.217.158] 2016/9/15
Архитекторч биш архитектор Бас тэгээд хотын ерөнхий архитектор асан шүү
2 | 0 Хариулах
nemo [202.70.46.230] 2016/9/15
hotiin dunduur hurdnii zam baridag gej yamar teneg ats ni bodoj chaddag baina aa
2 | 0 Хариулах
Зочин [150.129.140.97] 2016/9/15
nomin-erdene uu?
0 | 0 Хариулах