ХУУЧИРСАН МЭДЭЭ: 2016/05/27-НД НИЙТЛЭГДСЭН
ФОТО: Бага хуралдаа оролцохоор ирж буй МАН-ын гишүүд
iKon.MN
МАН-ын V Бага хурал Тусгаар тогтнолын ордонд эхлэх гэж байна. Хурлаар чухал шийдвэрийг гаргана. МАН-ын удирдлагууд, гишүүд 2016 оны УИХ-ын сонгуульд нэр дэвшигчдээ эцсийн байдлаар тодруулна.
Бага хуралдаа оролцохоор олны танил эрхмүүдээс УИХ-ын гишүүн Х.Болорчулуун, Ж.Энхбаяр, Д.Лүндээжанцан, Ерөнхий сайд асан С.Баяр, НИТХ-ын дарга асан Т.Билэгт, Эрүүл мэндийн дэд сайд асан Ж.Цолмон, ШӨХТГ-ын дарга асан Т.Аюурсайхан, Ерөнхий нарийн бичгийн дарга Ж.Мөнхбат, МАН-ын бүлгийн зөвлөх Б.Цогтгэрэл тэргүүтэй хүмүүс иржээ.
Тус намын сонгуулийн үйл ажиллагааг намын дарга М.Энхболд удирдаж, Ерөнхий нарийн бичгийн дарга Ж.Мөнхбат сонгуулийн ерөнхий менежерээр ажиллах юм. Мөн хуулийн дагуу 230 гаруй хүний бүрэлдэхүүнтэй улс орон даяар МАН-ын сонгуулийг зохион байгуулах төв штаб байгуулснаа мэдэгдээд байгаа билээ.
Фото
Гэрэл зургийг mpa.mn
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
