Empowered by CECI 2.0 хөтөлбөр: ЖДҮ-ийн Ногоон шилжилтийг дэмжих нь

 

Ногоон шилжилт, тогтвортой хөгжлийн бодлого нь зөвхөн том корпорацуудын анхаарах ажил байхаа больж, жижиг, дунд үйлдвэрлэл эрхлэгчид ч идэвхтэй нэгдэн, бодит алхмуудыг хийж эхэллээ.  

Си-И-Си Инвестмент ББСБ-аас өнгөрсөн онд жижиг, дунд үйлдвэрлэл эрхлэгчдэд зориулсан "Empowered by CECI 1.0" хөтөлбөрийг амжилттай хэрэгжүүлсэн бол энэ жил бизнесүүдийг байгаль орчинд ээлтэй шийдэл рүү уриалах "Empowered by CECI 2.0 - Бизнесээ Ногоон болгох хөтөлбөр"-ийг амжилттай хэрэгжүүллээ. 

 

⏳Хөтөлбөрийн 1 сарын аялал  

Нэг сарын хугацаанд үргэлжилсэн тус хөтөлбөрт нийт 53 бизнес эрхлэгч бүртгүүлэн дараах үе шаттай хэрэгжив: 

1. Бүртгэл: Хөтөлбөрт хамрагдах хүсэлт гаргасан бизнес эрхлэгчдийг бүртгэв. 
2. Тусгайлсан чадавхжуулах сургалт: Тогтвортой санхүүжилтийн холбоотой (ТоС Холбоо) хамтран ЖДҮ-ийн Ногоон санхүүжилтийн боломж, ESG баталгаажуулалт болон МУ-ын Ногоон таксономын суурь ойлголтуудын талаарх тусгай сургалтыг зохион байгуулсан. 
3. Төсөл боловсруулах: Оролцогч бизнесүүд өөрсдийн үйл ажиллагаанд тохирсон ногоон шилжилт хэрхэн хийх төсөл боловсрууллаа. 

🏆Шилдэг оролцогчийн 50 сая ₮-ийн санхүүжилт 

Оролцогч байгууллагуудаас нийгэм болон байгаль орчинд хамгийн өндөр эерэг нөлөөлөл үзүүлэх шилдэг төслөөр хүнсний салбарт үйл ажиллагаа эрхэлдэг “FOODY Mongolia”-ийн төсөл шалгарч,  "Ногоон шилжилтийн хөнгөлөлттэй санхүүжилт" болох 50 сая хүртэлх, сарын 1-1.5%-ийн бага хүүтэй, уян хатан санхүүжилтийг хүртсэн юм.  

Энэхүү санхүүжилт нь "FOODY Mongolia"-гийн хувьд анхны Ногоон санхүүжилт болж байгаа бөгөөд үйлдвэрлэлдээ эрчим хүчний хэмнэлттэй тоног төхөөрөмж худалдан авч, бизнестээ бодит ногоон шилжилт хийх боломжийг нээж өгч байна. 

 

🚀 Цаашдын алхам 

Си-И-Си Инвестмент болон "FOODY Mongolia"-ийн багийнхан цаашид тус санхүүжилтийн хүрээнд хийгдэж буй “Ногоон шилжилт”-ийн үйл явц, үр нөлөөг хэмжиж, олон нийтэд мэдээлэл түгээх болно.  

Ухаалаг санхүүжилт — Тогтвортой ирээдүй