ХУУЧИРСАН МЭДЭЭ: 2026/09/25-НД НИЙТЛЭГДСЭН
Нийтийн тээврийн автобусны дөрвөн чиглэлд шинээр зогсоол нэмснийг мэдээлэв
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Нийтийн Тээврийн Бодлогын Газраас мэдээлснээр дөрвөн чиглэлд автобусны зогсоолыг шинээр нэмжээ.
Тодруулбал Ч:67 “Морин 3–Нисэх”, чиглэлийн замналд “Морингийн зам 1” зогсоол, Х:7 “Туул тосгоны шинэ эцэс–Хангарьд цогцолбор” чиглэлийн замналд “Морингийн зам 1”, “Эко Спорт цогцолбор” зогсоолыг шинээр байгуулсан байна.
Түүнчлэн Х:18 “Улаанбаатар (Тэнгэр плаза)-Багахангай эцэс” чиглэлийн замналд “Чулуун овоо”, “Баян зөрлөг”, “Хайрхан зөрлөг”, “Хоолт зөрлөг”, “Баян зөрлөг” (урд, хойд) зогсоолууд, Х:17 “Тэнгэр плаза–Хэрлэн худалдааны төв” чиглэлийн автобуснууд “Цонжин болдог”, “Өртөө толгой” (урд, хойд) буудал дээр зогсдог болж байна
Маргааш буюу есдүгээр сарын 26-ны өдрөөс шинээр байгуулсан автобусны зогсоолуудаас иргэдэд үйлчилнэ. Ингэснээр автобусны зогсоол хоорондын зайг ойртуулж байгаа аж.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
