ФОТО: Нүүдэлчдийн наадмын гэрэл зургаас...
Киргиз Улсад нүүдэлчдийн их наадам болж буй. Спорт, урлаг, соёлын цогц арга хэмжээ энэ сарын 6-ныг дуустал үргэлжлэх юм.
Тус наадамд Монголын багийн тугчаар сонгогдсон улсын заан Д.Анар үндэсний бөхийн төрөлд алтан медаль хүртсэн. Өчигдрийн байдлаар манай улс нэг алт, хоёр мөнгө, найман хүрэл медаль хүртсэн амжилтаараа медалийн чансаагаар тавдугаарт жагсаж байна.
Киргиз есөн алт, зургаан мөнгө, хоёр хүрлээр тэргүүлж байгаа бол ОХУ хоёр алт, дөрвөн мөнгө, зургаан хүрэл, Казахстан хоёр алт, нэг мөнгө, дөрвөн хүрэл, Түркменистан хоёр алт, гурван мөнгө, нэг хүрэл медаль зүүжээ.
Одоогоор Иран, Узбекистан тус бүр нэг алтан медальтай бол нийт 15 улс ямар нэгэн медаль аваад байна.
Өнөөдөр самбо бөхийн төрлөөр улсын заан Б.Серик, Н.Мөнхбаяр нар хүрэл медаль хүртсэн юм.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
