Өчигдөр буюу наймдугаар сарын 9-нд согтуугаар жолоо барьсан 67 зөрчил бүртгэгджээ
Хоногийн хугацаанд буюу наймдугаар сарын 9-ний өдрийн дотор улсын хэмжээнд гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 67 зөрчил бүртгэгдсэн талаар Тээврийн цагдаагийн албанаас мэдээллээ.
Мөн жолоодох эрхгүй үедээ согтуугаар тээврийн хэрэгсэл жолоодсон хоёр гэмт хэрэг бүртгэгдсэн байна.
Жолоодох эрхгүй үедээ давтан согтуугаар тээврийн хэрэгсэл жолоодсон тохиолдолд Эрүүгийн хуулийн 27.10 дугаар зүйлд зааснаар 2,700,000-14,000,000 сая төгрөгөөр торгох. 6 сараас 3 жилийн хугацаанд зорчих эрхийг хязгаарлах, 6 сараас 3 хүртэл жилийн хорих ял оногдуулдаг байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
