"ЗХУТ-д бүртгэлтэй жуулчин тээвэрлэх автобус болон 8-аас дээш суудалтай автомашинд дугаарын хязгаарлалт үйлчлэхгүй"
Хичээлийн шинэ жилийн бэлтгэл болон COP17 хурлын зочдын урсгал нэмэгдэхтэй холбоотойгоор замын хөдөлгөөний ачааллыг бууруулах зорилгоор энэ сарын 15-ны өдрөөс есдүгээр сарын 12-ны өдрийг дуустал, 07:00-21:00 цагийн хооронд бүсчлэлгүйгээр автомашиныг улсын дугаарын тэгш, сондгойгоор ангилан замыг хөдөлгөөнд оролцуулахаар болсон.
Харин жуулчин тээврийн үйлчилгээ эрхлэх зөвшөөрөлтэй автобус, 8-аас дээш суудалтай тээврийн хэрэгсэлд улсын дугаарын хязгаарлалт үйлчлэхгүйг Нийслэлийн Аялал Жуулчлалын Газраас мэдээллээ.
Тодруулбал Нийслэлийн Замын Хөдөлгөөний Удирдлагын Төвд(ЗХУТ) бүртгэлтэй, “Тээврийн хэрэгслийн хөдөлгөөнд хязгаарлалт тогтоох журам”-ын 2.3.3-д заасан “Жуулчин тээврийн үйлчилгээ эрхлэх зөвшөөрөлтэй байгууллагын автобус, 8-аас дээш суудалтай” тээврийн хэрэгсэлд дугаарын хязгаарлалт үйлчлэхгүй, замын хөдөлгөөнд хэвийн оролцох юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
