ФОТО: Харцага, заан болсон бөхчүүдэд цолыг нь гардуулав
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын хүчит бөхийн барилдааны наймын даваа өндөрлөөд байна.
Энэ удаагийн баяр наадмаар зургаа давсан
- Булган аймгийн Хишиг-Өндөр сумын харьяат, улсын начин Бямбадоржийн Түвшинтөгс,
- Архангай аймгийн Хотонт сумын харьяат, улсын начин Эрдэнэхүүгийн Мөнхжаргал,
- Архангай аймгийн Тариат сумын харьяат, аймгийн арслан Өнөрбаянгийн Батсуурь нар улсын харцага цол хүртсэн юм.
Тэгвэл
- Увс аймгийн Ховд сумын харьяат, улсын өсөх идэр начин Лхагвасүрэнгийн Энхсаруул,
- Хэнтий аймгийн Өмнөдэлгэр сумын харьяат, аймгийн хурц арслан Даваасүрэнгийн Алтанцоож,
- Завхан аймгийн Баянхайрхан сумын харьяат, аймгийн начин Батбаярын Сундуйжав нар улсын заан цол авлаа.
Тэдэнд Монгол Улсын Ерөнхийлөгч Ухнаагийн Хүрэлсүхийн зарлигаар шинэ цолынх нь тэмдэг, батламжийг нь гардуулан өгсөн байна.
ФОТО
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
