ФОТО: Нэг ДАРХАН, хоёр УЛСЫН АВАРГА, зургаан АРСЛАН дөрвийн даваанд үлдлээ
Үндэсний их баяр наадмын бөхийн барилдааны гурвын даваа өнөөдөр өндөрлөлөө.
Одоогийн байдлаар дархан аварга Н.Батсуурь, улсын аварга П.Бүрэнтөгс, О.Хангай, улсын арслан Ц.Содномдорж, Б.Орхонбаяр, Э.Оюунболд, Ц.Бямба-Отгон, Р.Пүрэвдагва, Э.Батмагнай, гарди Ө.Бат-орших, заан Б.Пүрэвсайхан тэргүүтэй улсын цолтой 56 бөх дөрвийн оноолтод үлдлээ.
Энэ даваанд нийт 64 хос, 128 бөх хүчээ үзэх юм. Маргааш буюу долдугаар сарын 12-ны Ням гарагт 09:00 цагаас бөхийн барилдааны дөрвийн даваа эхэлнэ.
Улсын цолгүй найман хос 16 бөх хоорондоо оноолтоор нугарав.
Тухайлбал
- аймгийн хурц арслан Д.Алтанцоож, аймгийн арслан Б.Отгонбаатартай,
- хурц арслан Э.Мөнхбаатар аймгийн арслан Д.Буянттай,
- хурц арслан Б.Номиндалай хурц арслан Э.Дашдэмбэрэлтэй,
- хурц арслан Г.Төрмөнх, хурц арслан М.Төрбаттай,
- хурц арслан Б.Бадрал, хурц арслан У.Батцоожтой,
- хурц арслан С.Очирбат, хурц арслан Ц.Мөнхбаяртай,
- хурц арслан Н.Амгаланбаатар, хурц арслан А.Эрдэнэбаяртай,
- хурц арслан Х.Энхчулуун, хурц арслан Б.Өсөхбаяртай оноолт таарах аж.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
