ФОТО: Азарганы уралдаанд унасан хүлгээ айрагдуулсан унаач хөвгүүд

Гэрэл зургийг MPA агентлагийн онцгой зөвшөөрөлтэйгөөр ашиглав

Тулгар төрийн 2235, Их Монгол Улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ой, Үндэсний их баяр наадмын хүрээнд зохион байгуулагдах хурдан азарга, их нас, сонгомол дунд насны морьд өнөөдөр уралдах юм.

Цаг агаарын улмаас хойшлогдсон азарганы уралдаанд

• Өмнөговь аймгийн Булган сумын харьяат, Тод манлай уяач Намдагийн Хүрлээгийн Шарга азарга түрүүлсэн бол
• Дундговь аймгийн Өлзий сумын уяач Батсүхийн Наранхүүгийн Хул азарга аман хүзүүдэж,
• Хөвсгөл аймгийн Бүрэнтогтох сумын уяач Дугарсүрэнгийн Отгонлхагвын хүрэн азарга гуравт,
• Өмнөговь аймгийн Цогтцэций сумын уяач Батмөнхийн Тогтохын Хүрэн халзан азарга дөрөвт,
• Төв аймгийн Борнуур сумын уяач Мөнхтэнгэрийн Сайнзаяагийн хурдан халзан азарга айргийн тавд орсон юм.

Одоогоор их насны морьд гарааны зурхай руу явж байна.

ФОТО