ФОТО: Агар зандан хашлаганаас алдууран цойлох мэт Хязаалан насны морьд эргэхэд бэлэн болж байна

Н.Эрхбаяр, iKon.mn

1 цаг 0 минутын өмнө

iKon.MN

Гэрэл зургийг MPA агентлагийн онцгой зөвшөөрөлтэйгөөр ашиглав

Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын Хязаалан насны морьдын уралдаан Хүй долоон худагт эхлэхэд бэлэн боллоо.

Энэ жилийн уралдаанд 250 хурдан хүлэг сэрвээний өндрөө хэмжүүлж байгаа юм. Хязаалан насны морьдын сэрвээний өндөр 137 см-ээс хэтрэхгүй байх учиртай. Хязаалангийн уралдаан 15-17 км-т хурд, хүчээ сорих бөгөөд 10:00 цагт эхэлж, 11:00 цагаас эхний таван морь бариандаа орж ирэх юм. Үргэлжлүүлэн 12:00 цагаас Шүдлэн насны морьдын уралдаан эхлэх билээ.

1899 оноос эхлэн морьдыг даага, шүдлэн, хязаалан, соёолон, их нас, азарга хэмээн насаар нь ялган уралдуулах болжээ. Тодруулбал XII жарны шороон үхэр жил буюу 1709 оны зуны дунд сарын 28-ны өдөр Бүрэн хааны өвөр Ивэн голын орчимд Очирай Түшээт хан тэргүүтэй засаг ноёдын хэлэлцэн тогтоосон гурван хошууны “Халх журам” хэмээх цаазыг гаргахдаа дээр дурдсан зургаан насны морь уралдуулсан түүхтэй.

ФОТО:

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!