ФОТО: “Дээлтэй Монгол” наадамд БНХАУ-ын Ганьсу муж, ӨМӨЗО-ы Ордос хот, Шилийн гол аймгаас төлөөлөл ирж оролцож байна
Тулгар төрийн 2235 жил, Их Монгол Улсын 820 жил, Үндэсний эрх чөлөө, Тусгаар тогтнолоо сэргээн мандуулсны 115 жил, Ардын хувьсгалын 105 жилийн ой, Үндэсний Их Баяр Наадмын хүрээнд “Үндэсний хувцасны өдөр”-ийг тохиолдуулан “Дээлтэй монгол” наадам Төв талбайд зохион байгуулагдаж байна.
“Дээлтэй Монгол” наадам нь нийслэлийн иргэд төдийгүй гадаад, дотоодын жуулчдын сонирхлыг татсан үндэсний онцлог бүхий арга хэмжээ билээ.
20 дахь жилдээ зохиогдож буй энэ жилийн наадамд нийслэлийн есөн дүүрэг, 21 аймгийн оролцогчдоос гадна БНХАУ-ын Ганьсу муж, ӨМӨЗО-ы Ордос хот, Шилийн гол аймгийн төлөөлөл бүхийн 7,000 хүн оролцож, өөрийн угсаатны хувцасны онцлогийг олон нийтэд толилууллаа.
Мөн түүнчлэн ӨМӨЗО-ы Монгол эм, эмнэлгийн эмч нарын төлөөлөл бүхий 50 хүний бүрэлдэхүүн Хөх хот, Ордос хот, Шилийн гол аймгаас хүрэлцэн ирснээрээ онцлог байлаа.
Түүнчлэн парад алхаанаас гадна ардын урлагийн тоглолт, мэндчилгээ, үндэсний хувцасны загварын үзүүлбэр, дээл, хувцастай холбоотой уралдаан тэмцээнүүд, Монгол гэр хотхон, зан заншлын үзүүлбэр, үндэсний тоглоом, дээл хувцасны үзэсгэлэн худалдаа, тойрон бүжиг зэрэг үйл ажиллагаанууд болж байгаа юм.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
