₮4.7 тэрбумын төсөвт өртөгтэй, Яармагийн гүүрнээс Ажилчны гудамжны уулзвар хүртэлх авто замын өргөтгөл үргэлжилж байна
Хан-Уул дүүргийн 3, 20 дугаар хорооны нутаг дэвсгэр Чингисийн өргөн чөлөө, Яармагийн гүүрний зүүн талаас Ажилчны гудамжны уулзвар хүртэлх авто замыг өргөтгөн шинэчлэх ажил өнгөрсөн онд эхлээд буй.
"Өнөөдрийн байдлаар авто замын зорчих хэсгийн суурь болон өнгө хучилтыг бүрэн гүйцэтгэж, цэвэр ус, холбоо, дулаан болон борооны ус зайлуулах шугамыг хүчитгэж, гэрэлтүүлгийг шинээр суурилуулсан.
Тус авто замын өргөн 14 метр байсныг 21 метр болгон нэмж байгаа бөгөөд Чингисийн өргөн чөлөөний авто замын түгжрэлийг бууруулахад өндөр ач холбогдолтой. Яармагийн гүүрнээс Ажилчны гудамж хүртэлх авто замын өргөтгөл, шинэчлэлийн ажил үргэлжилж байна. Төслийн ерөнхий гүйцэтгэгчээр “Анда рөүд” ХХК ажиллаж байгаа юм" хэмээн НЗХГ-аас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
