Наадмын нээлтийн өмнөтгөл тоглолтыг өнөөдөр жуулчдад үнэ төлбөргүй үзүүлнэ
Баяр наадам зохион байгуулах үндэсний хорооноос наадмын нээлтийн өмнөтгөл тоглолтыг жуулчдад үнэ төлбөргүй үзүүлэх шийдвэр гаргажээ.
Энэ талаар тус хороог ахалдаг Шадар сайд Н.Номтойбаяр цахим хуудсаараа мэдээлсэн байна.
Тэрбээр "Төв цэнгэлдэх хүрээлэнгийн 12,500 суудал баяр наадмаа үзэх гэсэн иргэд, жуулчид, зочид төлөөлөгчдөд маш хүртээмжгүй байгаа учраас байгаа бүхий л боломжоо дайчлан хүн бүрд наадмын тоглолтыг хүртээмжтэй үзүүлэхийн тулд Баяр наадам зохион байгуулах комиссоос ажиллаж байна.
Энэ хүрээнд:
- Өнөөдөр буюу долоодугаар сарын 7-нд наадмын нээлтийн өмнөтгөл тоглолтыг жуулчдад үнэ төлбөргүй үзүүлнэ.
- 21 аймгийн төв талбай болон Сүхбаатарын талбайд наадмын нээлт, хаалтыг шууд дамжуулан үзүүлнэ.
- Гадаадад байгаа Монголчууддаа зориулж Youtube сувгаар наадмын гол арга хэмжээнүүдийг шууд дамжуулна.
- Энэ жил хөгжлийн бэрхшээлтэй иргэдийгээ баяр наадмын нээлтийн арга хэмжээ үзүүлэхийн тулд Төв цэнгэлдэх, Сүхбаатарын талбайд тусгайлан хэсэг засаж байна" гэжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
