ФОТО: Япончууд багийн дүнгээр тэргүүллээ
Олон Улсын Жүдогийн Холбоо (IJF)-ноос зохион байгуулдаг цуврал тэмцээний нэг Улаанбаатарын Их Дуулга тэмцээн гурван өдрийн турш "Степе Арена"-д боллоо.
"Лос Анжелес 2028" олимпын циклийн оноо энэ тэмцээнээс эхэлж буй билээ.
Тиймээс энэ удаагийн тэмцээн 58 орны 450 гаруй жүдоч оролцсон юм. Багийн дүнгээр Японы баг найман алт, хоёр мөнгөн медаль хүртсэн бол БНСУ-ын баг хоёр алт, нэг мөнгө, нэг хүрэл, Итали нэг алт, нэг мөнгө, нэг хүрэл медаль зүүснээр эхний гуравт орлоо.
Монголын багийн хувьд нэг алт, хоёр хүрэл медалиар V байр эзэлсэн юм.
Азербайжан болон Арабын Нэгдсэн Эмират Улс тус бүр нэг алтан медаль зүүсэн бол 24 улс ямар нэгэн медаль хүртэв.
Өргөн бүрэлдэхүүнтэй оролцсон Франц гурван мөнгө, нэг хүрэл, ОХУ-ын баг хоёр мөнгө, гурван хүрэл медаль хүртсэн байна.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
