Ерөнхий хяналтын сонсголд үүрэг хүлээсэн албан тушаалтан мэдээлэл өгдөг журамтай тул хотын дарга асан Х.Нямбаатарыг оролцуулаагүй гэв
"Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт холбогдох хууль тогтоомжид нийцсэн байдал" сэдэвт ерөнхий хяналтын сонсгол Төрийн ордонд хоёр дахь өдрөө үргэлжилж байна.
Ерөнхий хяналтын сонсгол даргалагч УИХ-ын гишүүн Ж.Золжаргал нийслэлийн удирдлагаар ажиллаж байсан хүмүүсийг сонсголд оролцуулаагүй шалтгааныг тайлбарлав.
Тэрбээр “Сонсголд оролцогчдоос нийслэлийн өмнөх удирдлагыг яагаад оролцуулахгүй байгаа юм бэ гэдэг асуулт ирж байгаа.
Энэ талаар УИХ-ын Тамгын газраас лавлахад, Ерөнхий хяналтын сонсголд үүрэг хүлээсэн албан тушаалтныг оролцуулдаг юм байна. Нийслэлийн өмнөх удирдлага албан тушаалаа өгөөд жирийн иргэн болсон.
Харин Тусгай хяналтын дэд хорооны сонсголд иргэнийг гэрчээр дууддаг.
Ерөнхий хяналтын сонсголд ажил хариуцаж байгаа албан тушаалтнууд оролцож мэдээлэл өгдөг журамтай юм байна” гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
