Хуучны угсармал байрнуудыг гал дэмждэггүй хөвөнгөөр дулаалж, метал фасад хийснээр насжилтыг нь 30 жилээр уртасгана
Их Британи болон Холбооны Бүгд Найрамдах Герман Улсын Засгийн газрын өмнөөс Mitigation Action Facility болон Хот Байгуулалт, Барилга, Орон Сууцжуулалтын Яам, Улаанбаатар хотын захирагчийн ажлын албатай хамтран ''Улаанбаатар хотын орон сууцны эрчим хүчний үр ашгийг дээшлүүлэх нь" төслийг хэрэгжүүлж буй.
Шинэчлэлийн үр дүнд
- Эрчим хүчний хэрэглээ 40–50%-иар буурна,
- Барилгын ашиглалтын хугацаа ойролцоогоор 30 жилээр уртасна,
- Үл хөдлөх хөрөнгийн үнэ цэн өснө,
- Дулаалгын ажилд гадна фасадын дулаалга, дээврийн дулаалга, ус тусгаарлалт, эрчим хүчний хэмнэлттэй насос суурилуулалт багтаж байна.
Угсармал орон сууцыг гал дэмждэггүй эрдэс хөвөнгөөр дулаалж, метал фасад хийснээр ашиглалтын хугацаа 30 жилээр уртсах боломжтойг мэргэжилтнүүд хэлж байна.
“Улаанбаатар хотын орон сууцны эрчим хүчний үр ашгийг дээшлүүлэх нь” төсөл нь орон сууцны эрчим хүчний үр ашгийг нэмэгдүүлэх, оршин суугчдад тав тухтай амьдрах орчныг бүрдүүлэх, мөн орон сууцны дулаалгын тогтвортой санхүүжилтийн механизмыг бий болгох зорилготой юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
