ФОТО: Т.Нямжаргал UFC-гийн албан ёсны тулаанд анхны ялалтаа байгуулав

Холимог тулааны хамгийн том холбоо гэгддэг Ultimate Fighting Championship (UFC)-д мэргэжлийн гэрээ байгуулсан хоёр дахь монгол тулаанч Т.Нямжаргал өчигдөр гэрээнийхээ хоёр дахь тулааныг хийлээ.

Энэ удаад тэрбээр Макс Холлауэй, Чарлес Оливейра нарын толгойлсон UFC 326 тулаанд АНУ-ын тулаанч Коди Дюрдентэй учраа таарав. 

Бэйсболоор хичээллэж байгаад бөх рүү "урвасан" Коди 21 наснаасаа тулааны спортоор хүчээ үзэх болсон юм. Энэ сарын 29-нд 35 нас хүрэх америк эр нийт холимог тулаанаар 27 тулаан хийж 17-д нь ялсан үзүүлэлттэй байв. Харин Т.Нямжаргалын хувьд холимог тулааны замналдаа ес ялж, нэг ялагдсан юм.

Т.Нямжаргал UFC-д хийсэн эхний тулаандаа 2024 оны арваннэгдүгээр сарын 23-нд АНУ-ын Карлос Хернандест ялагдсан. 

Улмаар өнгөрсөн оны хоёрдугаар сард БНСУ-ын Хюн Сун Пактай өрсөлдөхөөр товлогдсон ч жиндээ орж чадаагүй тул цуцлагдсан юм.

Ингэснээр наймдугаар сард "Road to UFC"-д дахин нэг тулалдаж ялснаар гэрээгээ хадгалж үлдсэн билээ.

Хашир тулаанч Коди Дюрден тулааны явцад хэд хэдэн удаа өчих оролдлого хийсэн ч манай тамирчин барилдааны бэлтгэлээ сайн базааснаа баталснаар гурван шүүгчийн нэгдсэн саналаар UFC-д анхны ялалтаа байгууллаа.

ФОТО

 

Гэрэл зургийг: Reuters