ХОС ШИЛЖИЛТ ТӨСӨЛ: ИНБ-ын үйл ажиллагааны чадавхыг бэхжүүлэх хөтөлбөрт чиглүүлэгч нарыг оролцохыг урьж байна
1. Төслийн мэдээлэл
Пипл ин Нийд Олон улсын төрийн бус байгууллага (ПИН ОУТББ) Европын Холбооны санхүүжилттэй “Хос шилжилт – Иргэний нийгэм Монголын ногоон болон цахим ирээдүйг түүчээлэх нь” (цаашид “Хос шилжилт” гэх) төслийг хэрэгжүүлж байна. Төслийн зорилго нь ИНБ-уудын бодлогын түвшний оролцоо, байгууллагын тогтолцоо, нөөц, цахим чадвар, дадлыг бэхжүүлж, Монгол Улсад иргэний нийгмийн таатай орчныг бүрдүүлэх, ялангуяа байгаль орчин/уур амьсгал, цахим шилжилт, эдгээрт залуучуудын манлайллыг ханган ажилладаг ИНБ-уудыг засаглал, хөгжлийн салбарт идэвхтэй, бие даасан оролцогч болоход дэмжлэг үзүүлэхэд оршино.
Төслийн хүрээнд ПИН ОУТББ нь байгууллагын чадавхыг бэхжүүлэх цогц хөтөлбөрийг хэрэгжүүлж, 25-30 ИНБ болон 3 ИНБ-ын сүлжээнд хэрэгцээнд суурилсан дэмжлэг үзүүлнэ. Хөтөлбөрийн зорилтот бүлэгт байгаль орчин/уур амьсгал, залуучуудын манлайлалд чиглэсэн ИНБ болон ИНБ-ын сүлжээ багтана.
Энэхүү чадавх бэхжүүлэх хөтөлбөрийн цуврал сургалтууд нь Улаанбаатар хот болон Өмнөговь аймагт танхимаар зохион байгуулагдах бөгөөд бататгах сургалтууд цахим хэлбэрээр явагдана.
2. Сургалтын зохион байгуулалт
|
Үйл ажиллагаа |
Зорилтот оролцогч |
Байршил |
Хугацаа |
|---|---|---|---|
|
Улаанбаатар хотод үйл ажиллагаа явуулдаг ИНБ-уудад сургалт зохион байгуулах |
Улаанбаатар хотын ИНБ-ууд |
Улаанбаатар |
2026 оны 4 сар |
|
Даланзадгад, Өмнөговь аймагт сургалт зохион байгуулах* |
Өмнөговь болон Дундговь аймгийн ИНБ-ууд |
Даланзадгад, Өмнөговь аймаг |
2026 оны 5/6 сар |
Тэмдэглэл: Өмнөговь болон Дундговь аймгийн ИНБ-уудад зориулсан сургалтыг нэгдсэн байдлаар Даланзадгад хотод зохион байгуулна.
Байгууллагын чадавх бэхжүүлэх хөтөлбөрийн хүрээнд ПИН ОУТББ нь туршлагатай чиглүүлэгч нарыг сургалтын дизайн болон арга зүйг тусгасан ажлын санал ирүүлэхийг урьж байна.
ПИН нь хөтөлбөрт оролцогч ИНБ-уудын хэрэгцээг тодорхойлох суурь судалгааг хийж гүйцэтгэх бөгөөд сонгогдсон чиглүүлэгч нар уг судалгааны үр дүн болон ИНБ-уудын хөтөлбөрт оролцох өргөдөлд үндэслэн сургалтын дизайныг нарийвчлан боловсруулж, оновчтой болгох үүрэгтэй.
Сургалтыг зохион байгуулахдаа оролцогч ИНБ-уудыг байгууллагын чадавх, хэрэгцээ болон байршлаас нь хамааран гурван бүлэгт хуваана:
- Улаанбаатар хотод хоёр бүлэг,
- Өмнөговь аймагт нэг бүлэг.
Чиглүүлэгчид бүлэг тус бүрийн онцлогийг харгалзан, тэдний (ИНБ-уудын) хэрэгцээнд нийцсэн сургалтын материалууд болон арга зүйг боловсруулах шаардлагатай.
Өргөдөл гаргагч нь гурав (3) хүртэлх сэдэвчилсэн сургалтын хүрээнд өргөдөл гаргах боломжтой бөгөөд сэдэвчилсэн сургалт (Хүснэгт 1) тус бүрээр (үнийн) санал ирүүлэх шаардлагатай.
3. Хөтөлбөрийн сэдэвчилсэн чиглэлүүд
Хүснэгт 1. Чадавх бэхжүүлэх хөтөлбөрийн сэдэвчилсэн чиглэлүүд болон сэдэв тус бүрт хуваарилсан хугацаа
|
№ |
Сэдэв |
Тайлбар |
Нэмэлт мэдээлэл |
Цагийн хуваарилалт |
|||||
|
Сургалтын материал боловсруулах* |
Танхимын сургалт зохион байгуулах |
Цахим бататгах (менторшип) сургалт зохион байгуулах |
Координац ба гэрээ байгуулах |
Сургалтын тайлан боловсруулах |
Нийт зарцуулах хүн өдрийн тоо |
||||
|
1 |
Төслийн удирдлага ба стратеги төлөвлөлт (хагас өдрийн сургалт) |
ИНБ-уудад тодорхой, хэрэгжихүйц стратеги боловсруулах, төслийг удирдах, үр дүнг хэмжих болон хяналт үнэлгээ хийхэд дэмжлэг үзүүлэх. |
1. Арга зүй: Оролцогч ИНБ-уудыг хэрэгцээ тодорхойлох суурь үнэлгээ болон байгууллагын чадавхад үндэслэн бүлгүүдэд хуваарилна. 2. Зохион байгуулалт: Чиглүүлэгч нар тусгайлан боловсруулсан сургалтын хөтөлбөрийг бэлтгэж, сургалтыг зохион байгуулна. Нэг бүлэг нь орон нутгийн ИНБ-уудаас, хоёр бүлэг нь Улаанбаатар хотын ИНБ-уудаас бүрдэнэ. |
2 |
1.5 |
0.5 |
0.5 |
1.5 |
6 |
|
2 |
Санхүүгийн удирдлага, төсөвлөлт ба ил тод тайлагнал (бүтэн өдрийн сургалт) |
Төсөв боловсруулах, төсвийн хяналт, хандивлагчийн шаардлагад нийцсэн ойлгомжтой санхүүгийн тайлан боловсруулах ур чадварыг бэхжүүлэх. |
2.5 |
3 |
0.5 |
0.5 |
1.5 |
8 |
|
|
3 |
Оролцогч талуудын хариуцлага ба олон нийтийн оролцоо (хагас өдрийн сургалт) |
Итгэлцэл бий болгох, үр шим хүртэгчдийг шийдвэр гаргалтад оролцуулах, нөлөөг донор байгууллага болон олон нийтэд хүргэх практик арга барилуудыг танилцуулах. |
2 |
1.5 |
0.5 |
0.5 |
1.5 |
6 |
|
|
4 |
Стратегийн харилцаа ба нөлөөллийн үйл ажиллагаа (хагас өдрийн сургалт) |
ИНБ-уудын мэдээллийг оновчтой, нөлөө бүхий байдлаар хүргэх, сошиал медиа сувгаа мэргэжлийн түвшинд удирдах, мөн бодлогын нөлөөллийн үйл ажиллагааг үр дүнтэй хэрэгжүүлэх чадавхыг бэхжүүлэх. |
2 |
1.5 |
0.5 |
0.5 |
1.5 |
6 |
|
|
5 |
Санхүүжилт босголт ба донорын зураглал (хагас өдрийн сургалт) |
ИНБ-уудыг Монгол Улсад хамааралтай институцийн болон хувийн хэвшлийн санхүүжүүлэгч донор байгууллагуудыг тодорхойлох, санхүүжилтийн боломжуудын талаар мэдээлэлтэй байх арга зүй, ур чадварыг бэхжүүлэх. |
2 |
1.5 |
0.5 |
0.5 |
1.5 |
6 |
|
|
6 |
Төслийн санал боловсруулалт (бүтэн өдрийн сургалт) |
ИНБ-уудыг чанартай, өрсөлдөхүйц төслийн санал боловсруулж, амжилттай санхүүжилт татах мэдлэг, ур чадварыг бэхжүүлэх. |
2.5 |
3 |
0.5 |
0.5 |
1.5 |
8 |
|
Тэмдэглэл: ПИН нь оролцогчдын суралцах хэрэгцээг тодорхойлох, сургалтын дизайн, төлөвлөгөөг нарийвчлан боловсруулахад дэмжлэг үзүүлэх зорилгоор чиглүүлэгчдийг төслийн нээлтийн арга хэмжээнд урьж оролцуулна.Чиглүүлэгчид ПИН-ийн гүйцэтгэсэн суурь судалгаанаас гадна оролцогч ИНБ-уудын өргөдөлтэй танилцан, шаардлагатай тохиолдолд сургалт нь оролцогчдын хэрэгцээ шаардлагад нийцэж буй эсэхийг баталгаажуулах хялбар оношилгоо/үнэлгээг хийж гүйцэтгэнэ.
4. Сургалтын дизайн ба арга зүй
Сургалтыг төлөвлөх болон сургалтын хөтөлбөр боловсруулахдаа дараах шаардлагуудыг харгалзан үзнэ үү:
- Интерактив, оролцоонд суурилсан арга барилыг хэрэгжүүлэх: Сургалтын дизайн нь хөтөлбөрт оролцогч ИНБ-уудын туршлага, мэдлэг, манлайлалд суурилсан байх шаардлагатай. Сургалтын үед чиглүүлэгчид ИНБ-уудыг харилцан туршлага солилцож, хамтдаа эргэцүүлэн бодит асуудлыг шийдвэрлэхэд идэвхтэй, хамтран оролцогч байх боломжоор хангана.
- Суралцагчдын онцлог шинжүүд, тухайлбал мэдлэг, туршлага, суралцах хэрэгцээ болон ИНБ-ын онцлог, орчин нөхцөл зэргийг сургалтыг төлөвлөх болон сургалтын материал боловсруулахдаа сайтар харгалзан үзэх ёстой.
- Сургалтын хөтөлбөр нь суралцагчдын санал бодол, техник технологи, ИНБ-ын хэрэгцээ шаардлагад нийцүүлэн шаардлагатай тохиолдолд шинэчлэх, өөрчлөх, тохируулга хийх боломжтойгоор боловсруулагдсан байна.
- Сургалтын зорилго, зорилтууд нь Тодорхой, Хэмжигдэхүйц, Хүрэхүйц/Бодит, Хамааралтай, Хугацаатай (SMART) байдлаар тодорхойлогдсон байх бөгөөд сургалт дуусахад суралцагчид юу мэддэг болсон, эсвэл юуг хийж чаддаг болсон байхыг тодорхой тусгасан байна.
- Сургалтын өмнөх болон дараах түвшин тогтоох сорилыг авч, суралцагчдын мэдлэг, ур чадвар, хандлагад гарсан өөрчлөлтийг системтэйгээр үнэлэн, сургалтын үр нөлөөг хэмжих шаардлагатай.
5. Хүлээгдэж буй үр дүн/Гүйцэтгэх ажлууд
Сонгогдсон чиглүүлэгч (нар) дараах үүргийг хүлээнэ:
- ПИН-ний гүйцэтгэсэн ИНБ-ын хэрэгцээг тодорхойлох суурь судалгааны үр дүнд үндэслэн, төсөл хөтөлбөрт оролцогч ИНБ-уудын ур чадварын ялгаатай байдал болон байгууллагын онцлог байдлыг харгалзан суралцагчдыг гурван бүлэгт (Улаанбаатар хотод хоёр бүлэг, Өмнөговь аймагт нэг бүлэг) хуваан, бүлэг тус бүрийн хэрэгцээ, онцлогт тохирсон (тусгайлсан) сургалтын дизайн болон төлөвлөгөөг боловсруулах.
- Төсөл хөтөлбөрийн болон сургалтын зорилго, үр дүн, зорилтот оролцогчдын хэрэгцээнд нийцсэн, ИНБ-ын орчин нөхцөлд тохирсон бүтэцтэй сургалтын хөтөлбөр боловсруулах.
- Сургалтыг чанарын өндөр түвшинд зохион байгуулж, оролцогчдыг идэвхтэй оролцуулан, сургалтын зорилтот үр дүнд хүргэх.
- Сургалтын үйл ажиллагаа, суралцагчдын оролцоо, SMART зорилтуудтай уялдсан гол үр дүнгүүдийг (сургалтын өмнөх ба дараах түвшин тогтоох сорилын үр дүнг оролцуулан) тусгасан цогц сургалтын тайлан боловсруулах.
- Сургалтын хэрэглэгдэхүүн, тараах материал болон бусад нөөцүүдийг ПИН-ийн “Civil Society Now” платформ, ИНБ-ууд, хот болон төслийн зорилтот аймгуудын албан ёсны сошиал сувгууд, мөн www.agaarneg.mn сайтаар дамжуулан түгээхэд зориулан бэлтгэж өгөх.
6. Үнэлгээний шалгуур
Сонгон шалгаруулалтыг дараах үнэлгээний шалгуур үзүүлэлтийн дагуу явуулна.
- Чиглүүлэгч (сургагч)-ийн туршлага, ур чадвар (тухайн сургалтын сэдэв болон сургалт хөтлөх чадвар) - 30%
- Сургалтын санал/концепц (Concept note) – 40%
- Үнийн санал – 30%
7. Сургагч багшид тавигдах шаардлага
- Холбогдох чиглэлээр их, дээд боловсрол эзэмшсэн байх.
- Өргөдөл гаргасан сэдэвчилсэн чиглэл(үүд)-ийн дагуу мэргэжлийн 3–5 жилийн баталгаатай ажлын туршлагатай байх.
- Сургалтын сэдэвтэй холбоотой чиглэлээр дор хаяж 2 жилийн сургалт зохион байгуулсан туршлагатай байх.
- ИНБ, ТББ болон олон нийтэд суурилсан байгууллагуудад зориулсан чадавх бэхжүүлэх сургалт, семинар, чиглүүлэг зохион байгуулж байсан туршлагатай байх.
- Харилцааны ур чадвар: Монгол хэл дээр бичгийн болон аман харилцааны өндөр ур чадвартай байх. Англи хэлний мэдлэг давуу тал болно (ялангуяа бодлогын болон донортой холбоотой сэдвүүдэд).
- Оролцоонд суурилсан болон насанд хүрэгчдийн сургалтын арга зүйг ашиглах чадвартай, сургалтын агуулгыг оролцогчдын байгууллагын чадавх, хэрэгцээнд нийцүүлэн тохируулах чадвартай байх.
- Санал болгож буй хугацаанд сургалтыг зохион байгуулах боломжтой байх.
8. Үнийн санал ирүүлэх заавар
Саналын хүчинтэй байх хугацаа нь санал хүлээн авах эцсийн өдрөөс хойш 60 хоногоос багагүй байна. Зөвхөн бичгээр татгалзсан тохиолдолд хүчинтэй хугацаанаас өмнө саналыг буцааж болно.
Үнийн саналаа доор бичсэний дагуу илгээнэ үү. Үүнд:
- Саналаа procurement.mongolia@peopleinneed.net хаяг руу илгээнэ.
- Саналаа ирүүлэхдээ и-мейлийн Subject хэсэгт дараах байдлаар бичнэ. Үүнд: “MNGC000264/Нэр/ Сэдэвчилсэн чиглэлийн нэр”.
- Өргөдөл гаргагч нь гурав (3) хүртэлх сэдэвчилсэн сургалтын хүрээнд өргөдөл гаргах боломжтой бөгөөд сэдэвчилсэн сургалт (Хүснэгт 1) тус бүрээр (үнийн) санал ирүүлэх шаардлагатай.
- Бүх хавсаргасан баримт бичгүүдээ тодорхой нэрлэсэн байх ёстой
Үнийн саналд дараах баримт бичгүүдийг багтаасан байна:
Үнийн санал болон шаардлагатай бүх баримт бичгүүдийг (зураасаар тодруулсны дагуу) бүрэн гүйцэд бөглөж, ирүүлэх шаардлагатай:
- Чиглүүлэгчийн намтар, боловсрол болон мэргэжил, ажлын туршлага, ажлын даалгаварт хамаарах туршлагыг дурдана.
- Сургалтын санал/концепц (хамгийн ихдээ 10 хуудас), үүнд:
- Санал болгож буй сургалтын зорилго, хүрэх үр дүн, сургалтын дизайн, арга зүйг саналд тодорхой тусгах. Ингэхдээ ИНБ-ын чадавх бэхжүүлэхэд анхаарах асуудлууд болон Монголын ИНБ-ын нөхцөл байдал, онцлогийг харгалзан саналд тодорхой тусгасан байх.
- Насанд хүрэгчдэд зориулсан ижил төстэй сургалт, семинар боловсруулж, чиглүүлж байсан өмнөх туршлагыг нотлох баримт, үүнд:
- Сургалтын хөтөлбөр болон сургалтын үед ашигласан арга зүйн тайлбар, жишээний хамт. (тухайлбал: оролцоонд суурилсан сургалт, багийн ажил, кейс судалгаа, интерактив дасгалууд);
- Сургалтын үр нөлөө, бодит, хэмжигдэхүйц үр дүнг харуулсан танилцуулга жишээг тусгах.
- Үнийн санал:
- ПИН-ийн боловсруулсан албан загварыг (хавсралт) ашиглан бэлтгэх бөгөөд Хүснэгт 1-д заасан сургалтын сэдэвчилсэн чиглэл(үүд)-ийг тодорхой тусгасан байна.
- Үнийн саналд зохион байгуулалтад хамаарах зардлуудыг оруулахгүй бөгөөд эдгээр зардлуудыг ПИН хариуцна.
Гэрээ Байгуулах Нөхцөл болон Татварын Зохицуулалт
Ажил гүйцэтгэх гэрээг албан байгууллагаар эсвэл хувь зөвлөхөөр байгуулах боломжтой.
- Албан байгууллагаар гэрээ байгуулах тохиолдолд тухайн байгууллага холбогдох бүх татвар, хураамжийг өөрөө хариуцахаар гэрээнд тусгагдана.
- Хувь зөвлөхөөр гэрээ байгуулах тохиолдолд холбогдох хууль, журмын дагуу санал болгосон үнийн дүнгээс холбогдох татвар, хураамжийг ПИН суутгана.
Дээр дурдсан ажлын цар хүрээг харгалзан, өргөдөл гаргагчид үнийн саналаа Монгол хэлээр, төгрөгөөр (MNT) илэрхийлж, PDF форматаар 2026 оны 3 дугаар сарын 4-ний өдрийн дотор procurement.mongolia@peopleinneed.net хаягаар ирүүлнэ үү. Хэрэв нэгээс дээш сэдэвчилсэн сургалтын хүрээнд үнийн санал илгээх бол тус бүрээр илгээнэ үү.
Та дэлгэрэнгүй мэдээлэл авахыг хүсвэл +976 70111501 утсаар холбогдоно уу.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
