"Авто зам дээр давс бодис, хайрга дайрга асгаж халтиргаанаас сэргийлж байна"
iKon.MN
Нийслэл хотод өнгөрсөн шөнө орсон цасыг цэвэрлэж, авто зам дээр давс, бодис цацах ажил үргэлжилж байна.
Зам, нийтийн эзэмшлийн талбайн цас цэвэрлэгээнд Хот тохижилтын газар, дүүргүүдийн ТҮК, гэрээт аж ахуйн нэгж байгууллагуудаас нийт 784 хүний бүрэлдэхүүнтэй, 108 машин механизм, 21 үлээгч гар төхөөрөмж, 112 бичил төхөөрөмжтэй ажиллаж байгаа юм.
Харин авто зам дээр 66 тонн давс, 215.5 тонн бодис, 20 шоо метр хайрга, дайрга асгаж халтиргаанаас сэргийлж байна гэж НЗДТГ-ын хэвлэлийн хэлтсээс мэдээлэв.
Цаг уурын байгууллагаас мэдээлснээр Улаанбаатар хотод өнөөдөр(2026.02.25) цас орохгүй. Өчигдөр өдрөөс 9 градусаар хүйтэрч -15...-17 градус байх төлөв гарчээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
