Нэгдүгээр сард БНХАУ-тай $1.6 тэрбумын худалдаа хийжээ
Монгол Улсын гадаад худалдааны бараа эргэлтийн статистик мэдээллийг Үндэсний Статистикийн Хороо (ҮСХ)-ноос танилцууллаа.
Тодруулбал 2026 оны нэгдүгээр сард Монгол Улс дэлхийн 105 улстай худалдаа хийж, гадаад худалдааны бараа эргэлтийн хэмжээ 2.6 тэрбум ам.долларт хүрснийг ҮСХ-ны Олон нийттэй харилцах хэлтсийн дарга Д.Баасан хэлсэн юм.
Түүнчлэн манай улсын
- Экспорт 1.7 тэрбум ам.доллар
- Импорт 843 сая ам.долларт хүрч, гадаад худалдааны тэнцэл 906.5 сая ам.долларын ашигтай гарчээ. Энэ нь өмнөх оноос 851.5 сая ам.доллароор өссөн эерэг үзүүлэлт аж.
Харин экспорт өмнөх оны мөн үетэй харьцуулахад 730.2 сая ам.доллар буюу 71.6 хувиар өссөн бол импорт 121.3 сая ам.доллар буюу 12.6 хувиар буурсан дүнтэй гарчээ.
2026 оны нэгдүгээр сард экспорт өмнөх сартай харьцуулахад 215.2 сая ам.доллар, импорт 263.9 сая ам.доллароор буурсан дүнтэй гарсан байна.
Энэ оны нэгдүгээр сард БНХАУ-тай 1.6 тэрбум ам.долларын худалдааг хийсэн байна. Энэ нь нийт гадаад худалдааны бараа эргэлтийн 88.9 хувийг дангаараа бүрдүүлж байгаа үзүүлэлт аж.
Экспортын тухайд:
- 92.6 хувийг уул уурхайн бүтээгдэхүүн
- 5.3 хувийг хөдөө аж ахуйн гаралтай бүтээгдэхүүн бүрдүүлж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
