ҮЙЛ ЯВДАЛ: ЭМЯ-наас цаг үеийн асуудлаар мэдээлэл өгнө
Эрүүл Мэндийн Яам (ЭМЯ)-нд
10:00 цагт Улаанбурхан өвчний нөхцөл байдал, цагаан сарын баярын үеэр эрүүл мэндэд учирч болзошгүй эрсдэлээс сэргийлэх зөвлөмж болон бусад цаг үеийн асуудлаар мэдээлэл өгнө.
Шүүхийн ерөнхий зөвлөлийн байранд
11:00 цагт Монгол Улсын шүүхийн 2025 оны шүүн таслах ажиллагааны статистикийн нэгдсэн дүн мэдээ танилцуулах хэвлэлийн бага хурлыг зохион байгуулна.
Төрийн ордонд
11:00 цагт АН-ын 4:11 мэдээллийн цаг болно. Авлигын индексийн үр дүн, үр дагавар, төрийн авлигыг таслан зогсоох санаачилгуудын нэг болох санал худалдан авахын эсрэг хуулийн төсөл зэрэг асуудлаар мэдээлэл хийнэ.
МҮЭ-ийн холбооны төв байранд
13:00–14:00 цагт Монголын Үйлдвэрчний Эвлэлийн Холбоо, Монголын Боловсрол, шинжлэх ухааны ҮЭ-ийн холбоо, Монголын Эрүүл мэндийн ажилтны ҮЭ-ийн холбоодоос Монгол Улсын Засгийн газрын тогтоол болон Боловсрол, Эрүүл мэндийн сайд нарын гаргасан зарим тушаал, шийдвэрүүд хууль тогтоомж зөрчсөн асуудлаар гаргасан гомдол, нэхэмжлэлийг холбогдох байгууллагад албан ёсоор гардуулна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
