ФОТО: "Монголын товч түүх" бүтээлийн анхны хэвлэлийг үүсмэл бүтээл болголоо
Төр, нийгмийн нэрт зүтгэлтэн А.Амарын “Монголын товч түүх” бүтээлийн анхны хэвлэлийн эхийг кирилл үсгийн хөрвүүлгийн хамтаар үүсмэл бүтээл болгон шинэчлэн хэвлэсэн номын нээлт өнөөдөр Чингис Хаан Үндэсний Музейд боллоо.
Монгол Улсын ерөнхий сайд А.Амарын бичсэн энэ номыг хоёр боть хэвлүүлэхээр бодож байв. Эхнийх дээр Монгол үндэстний гарал үүслээс Чингис хааны үе хүртэлх түүхийг багтаасан байдаг бол хоёр дахь номыг Чингис хаан нас барснаас хойш ХХ зууны монголчуудын түүх хүртэл гаргахаар төлөвлөсөн ч 1941 онд хилс хэргээр ЗХУ-д цаазаар авхуулсан юм.
Агданбуугийн Амар нь Монгол Улсын долоо дахь, 10 дахь ерөнхий сайдаар ажиллаж байв. Түүний бичсэн "Монголын товч түүх" ном нь олон эх сурвалжийг харьцуулсан, ард иргэдэд хамгийн энгийнээр түүхийг ойлгуулах зорилгоор бичигдсэн болохыг түүхчид онцолдог аж.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
