Австрали улсын "Ажиллах болон амрах" виз мэдүүлэхээр төлөвлөж буй ИРГЭДИЙН АНХААРАЛД

Гэрэл зургийг MPA агентлагийн онцгой зөвшөөрөлтэйгөөр ашиглав

Австрали Улсын “Ажиллах болон амрах” виз мэдүүлэхээр төлөвлөж байгаа, холбогдох шаардлага хангасан Монгол Улсын иргэн Та виз мэдүүлэхээс өмнө Гадаад Харилцааны Яам(ГХЯ)-наас захидал авсан байх шаардлагатай.

Иймд захидал авах хүсэлтээ иргэн Та холбогдох материалыг бүрдүүлж, nomin@mfa.gov.mn цахим шуудангийн хаяг руу, зөвхөн “pdf” өргөтгөлтэй файлаар илгээхийг ГХЯ-наас зөвлөлөө.

Хариуг тус яамнаас ажлын өдрүүдэд 48-72 цагийн дотор Таны бүртгүүлсэн цахим шуудангаар хүргүүлэх бөгөөд дараах материалыг бүрдүүлнэ:

• Хүчин төгөлдөр Монгол Улсын үндэсний энгийн гадаад паспортын хуулбар;
• Иргэний эрүүгийн хариуцлага хүлээж байгаа эсэх тухай тодорхойлолт (e-mongolia цахим үйлчилгээний нэгдсэн порталаас сүүлийн 45 хоногийн хугацаанд авсан);
• Шүүхийн шийдвэрээр бусдад төлбөргүй эсэх тодорхойлолт (e-mongolia цахим үйлчилгээний нэгдсэн порталаас сүүлийн 45 хоногийн хугацаанд авсан);
• Дээд боловсролын сургалтын байгууллагын дипломын тодорхойлолт (e-mongolia цахим үйлчилгээний нэгдсэн порталаас сүүлийн 45 хоногийн хугацаанд авсан), хэрэв сургууль төгсөөгүй бол их, дээд сургуульд хоёроос доошгүй жил амжилттай суралцсан талаарх сургуулийн тодорхойлолт.

ГХЯ-наас олгох захидлыг зөвхөн холбогдох шаардлага болон материалын бүрдлийг хангасан иргэнд олгох болохыг дахин анхааруулж байна. Түүнчлэн тус захидал нь Австрали Улсын “Ажиллах болон амрах” виз авах баталгаа биш бөгөөд зөвхөн виз мэдүүлэхэд шаардлагатай баримт бичгийн нэг юм гэж ГХЯ-наас мэдээллээ.

Виз мэдүүлэхтэй холбоотой дэлгэрэнгүй мэдээллийг энд дарж авна уу.