Сэлбэ, Дунд голын далан зэрэг долоон газарт халиа тошин үүссэн байна
Нийслэлийн дөрвөн дүүргийн хэмжээнд долоон байршилд байнгын ундаргатай булаг, хөрсний ус ихээр гарч, халиа тошин үүсжээ.
Халиа тошин үүссэн байршлууд:
- Чингэлтэй дүүргийн 10-р хороо Дэнжийн 1000 нэгдүгээр суваг
- Чингэлтэй дүүргийн 11,12-р хороо Дэнжийн 1000 гуравдугаар суваг
- Чингэлтэй дүүргийн 13,14-р хороо Хайлаастын суваг
- Чингэлтэй дүүргийн 13,14-р хороо Чингэлтэйн суваг
- Сонгинохайрхан дүүргийн 19, 27-р хороо Толгойтын суваг
- Баянгол дүүргийн 14-р хороо Дунд голын далан (Алтай хотхон орчим)
- Сүхбаатар дүүргийн 14-р хороо Сэлбэ голын далан.
"Геодези, Усны Барилга Байгууламжийн Газар" ОНӨААТҮГ-аас 2025 оны арванхоёрдугаар сарын 10-ны өдрөөс эхлэн халиа тошин үүссэн байршлуудад 17 механизм, 51 ажилтан албан хаагч ажиллаж, механизмаар болон гар ажиллагаагаар суваг татах, гүүрэн гарцын гаргалгаа хоолойг нээж усыг чөлөөтэй урсгах, илүүдэл мөс тээвэрлэх, шороон хаалт хийх, байнгын үзлэг шалгалт хийх, иргэд ААН, айл өрхүүдийн гэр, байшин барилгын суурь усанд автах, зам мөстөж эрсдэл үүсэхээс сэргийлэх ажлыг гүйцэтгэн арга хэмжээ авч байгааг мэдээлэв.
Халианд өртөх эрсдэлтэй бүсэд оршин суугаа айл өрхүүдийг өөрсдийн аюулгүй байдлыг хангах, болзошгүй эрсдэлээс урьдчилан сэргийлэхийг тус байгууллагаас зөвлөлөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
