Хилийн автозамын боомтууд цагаан сараар буюу ирэх сарын 18, 19, 20-ны өдрүүдэд түр хаана
Хилийн боомтуудын 2026 оны хоёрдугаар сард ажиллах болон түр хаах өдрүүдийн мэдээллийг Хил хамгаалах байгууллагаас мэдээллээ.
Тодруулбал Монгол, Оросын автозамын Арцсуурь, Боршоо, Тэс, Ханх, Ульхан боомтууд 2026.02.18, 19, 20-ны өдөр болон ОХУ-ын Эх орончдын өдөр болох 23-ны өдөр мөн түр хаах юм байна. Цагааннуур боомт зөвхөн 2026.02.18, 19, 20-ны өдрүүдэд түр хаана.
Монгол, Хятадын автозамын Замын-Үүд, Булган, Бургастай, Шивээхүрэн, Гашуунсухайт, Ханги, Бичигт, Баянхошуу, Сүмбэр, Хавирга боомтууд 2026.02.18, 19, 20-ны өдөр болон БНХАУ-ын Хаврын баяр билгийн тооллын шинийн 1, 2, 3-ны өдрүүдэд түр хаах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
