Цагаан сарын битүүн буюу хоёрдугаар сарын 17-ны Мягмар гарагт бүх нийтээрээ АМАРНА
Энэ жилийн Цагаан сарын битүүний өдөр хоёрдугаар сарын 17-ны Мягмар гарагт таарч буй.
Засгийн газрын өнөөдрийн хуралдаанаар 2026 оны хоёрдугаар сарын 17-ны Мягмар гарагийн ажлын өдрийг 2026 оны хоёрдугаар сарын 28-ны Бямба гарагийн амралтын өдөрт шилжүүлэхээр шийдвэрлэлээ.
Монгол үндэстний уламжлалт баяр Цагаан сарын битүүний өдөр 2026 онд Мягмар гарагт тохиож байгаатай холбогдуулан иргэдээс ажлын өдрийг шилжүүлэх хүсэлт гаргах болсон. “E-Mongolia” цахим системээр санал өгсөн иргэдийн 75 орчим хувь нь битүүний өдрийг амралтын өдөр байх нь зүйтэй гэж үзжээ.
Тиймээс иргэдийн хүсэлтийг харгалзан ажилтан, албан хаагчдын ажил, амралтын цагийг оновчтой зохицуулах, үндэсний уламжлалт баярыг гэр бүл, ахан дүүсийн хүрээнд ёс заншлын дагуу тэмдэглэх нөхцөлийг бүрдүүлэх зорилгоор Хөдөлмөрийн тухай хуулийн 43.3 дахь хэсгийг үндэслэн дээрх шийдвэрийг гаргалаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
