ФОТО: Сонсголон, ТЭЦ IV орчмын өнөөдрийн дүр зураг
Өнөөдрийн 11:00 цагийн орчимд Сонсголонгийн гүүр өнгөрөөгөөд Дулааны Цахилгаан Станц IV-ийн авто зам дагуух дүр зураг манай гэрэл зурагчны дуранд ийн буужээ.
Энэ хавьд өдөр бүр явдаг иргэдийн хувьд ийм "саарал" дүр төрх энгийн үзэгдэл болтлоо дассан. Тэд хавь ойрын байшин, өөдөөс ирэх автомашины урсгал харагдахгүйд "гайхахаа" больсон.
Агаарын чанарыг харуулдаг agaar.mn -ийн хэмжилтээр энэ хавьд өнөөдөр PM 10 тоосонцрын хэмжээ хамгийн оргилдоо 1,238-д заажээ. Тодруулбал хүний уушгинд орж эрүүл мэндэд сөрөг нөлөө үзүүлэх онц аюултай нөхцөлд байна гэсэн үг. Нийслэл хотын аль ч байршлаас хамгийн өндөр үзүүлэлт.
Тиймээс энэ хавиар явахдаа иргэд заавал N95 шүүлтүүртэй маск зүүж явахыг мэргэжилтнүүд зөвлөж байна.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
