Гэрэл зургийг MPA агентлагийн онцгой зөвшөөрөлтэйгөөр ашиглав

Маргааш буюу 1-р сарын 15-наас ихэнх нутгаар хүйтний эрч эрс чангарах тул хүйтэн цаг агаараас сэрэмжлүүлж доорх зөвлөмжийг хүргэж байна.

Өнөөдөр өдрийн 14:00 цагийн байдлаар Булган - Гурванбулаг, Дорноговь - Замын-Үүд, Иххэт, Сайншанд, Хөвсгөл, Дундговь - Адаацаг, Сүхбаатар - Түвшинширээ суманд цасан шуургатай байна. 

• Архангай - Батцэнгэл, Өгийнуур,
• Булган - Бугат, Булган, Бүрэгхангай, Дашинчилэн, Сэлэнгэ, Хангал, Хутаг-Өндөр,
• Дархан-Уул - Дархан, Орхон, Хонгор
• Дорнод - Матад
• Завхан - Идэр, Тосонцэнгэл, Эрдэнэхайрхан, Яруу
• Орхон - Баян-Өндөр, Жаргалант
• Сэлэнгэ - Баруунбүрэн, Ерөө, Зэлтэр, Зүүнбүрэн, Орхон, Хушаат, Хүдэр
• Сүхбаатар - Баяндэлгэр, Дарьганга, Наран, Онгон, Халзан, Эрдэнэцагаан
• Төв - Баян-Өнжүүл, Зуунмод, Лүн, Өндөрширээт
• Ховд - Булган, Үенч
• Хэнтий - Галшар, Чингис
• Хөвсгөл - Тариалан суманд цас орж байна. 

Зөвлөмж

• Эрчим хүчний хэрэгцээ хүйтэн цаг агаартай үед нэмэгдэж байдаг тул аль болох эрчим хүч хэмнэхийг хичээ. 
• Эрс хүйтрэл нь гал түймэр гарах болон, нүүрстөрөгчийн дутуу ислийн эрсдэлийг нэмэгдүүлдэг. Тиймээс та аюулгүй халаалтын эх үүсвэр ашиглаж байгаа эсэхээ шалгаарай.
• Мөн илчлэг сайтай хоол хүнс хэрэглэх, өндөр настай хүмүүс халтирч унахаас болгоомжлоорой.
• Хүмүүс төдийгүй тэжээвэр амьтад, ургамалд ч хамгаалалт хэрэгтэй. 

Тээвэрчид жолооч нарт өгөх зөвлөмж: 

• Гадаа ил зогсоолд машинаа хонуулах бол заавал хучлагаар хучиж хөлдөх эрсдэлээс сэргийлэх
• Авто замд мөстөлт үүсэх тул огцом тоормослох, хурдтай зорчихоос зайлсхийх.
• Тээврийн хэрэгслийн бүрэн бүтэн байдлаа шалгах ялангуяа хасах градуст аккумуляторын ажиллагаа мууддаг тул найдвартай байдлыг шалгах
• Аян замд гарахдаа тээврийн хэрэгсэлдээ нэмэлт дулаан хувцас, гар чийдэн, анхны тусламжийн хэрэгсэл авч явах
• Хөдөө орон нутгийг зорихдоо цасны гинж бэлтгэх, машиныхаа хөлдөлтийн түвшнийг шалгах