“УБТЗ” ХНН өнгөрсөн онд 3,850 транзит чингэлгийн галт тэрэг аялуулжээ
Манай улс газар зүйн байрлалын давуу талаа ашиглан олон улсын худалдаа, тээвэр, логистикийн нэгдсэн сүлжээний бүрэлдэхүүн хэсэг болж, эдийн засгийн өсөлтөө хурдасгах зорилт дэвшүүлсэн. Энэхүү зорилтыг хэрэгжүүлэхэд Ази-Европыг холбосон хамгийн дөт коридорт тооцогддог УБТЗ-ын Замын-Үүд – Сүхбаатар хоорондын 1,109 км гол зам чухал үүрэгтэй.
Сүүлийн жилүүдэд тус нийгэмлэгийн гол замаар дамжин өнгөрөх чингэлгийн галт тэрэгний тоо жилээс жилд хурдацтай өсөн нэмэгдэж байгаа бөгөөд 2025 онд 3,850 чингэлгийн галт тэрэг ОХУ, БНХАУ-ын хооронд аялсан нь 2024 оноос 706 галт тэргээр илүү байна.
Хөрш орнуудын худалдааны эргэлт хурдацтай өсөж байгаа үед өөрийн коридорын өрсөлдөх чадварыг нэмэгдүүлж, тээврийн үр ашгаа нэмэгдүүлэхийг “Улаанбаатар төмөр зам” ХНН зорьж байна. Дамжин өнгөрөх тээвэр нь зардал багатай хамгийн ашигтай тээвэр юм.
Эх сурвалж: “УБТЗ” ХНН
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
