Өнгөрсөн онд Замын-Үүдийн төмөр замаар 18.3 сая тонн ачаа тээвэрлэжээ
2025 онд манай улсын эдийн засагт чухал үүрэгтэй Замын-Үүд боомтын төмөр замаар БНХАУ-тай 18.3 сая тонн экспорт, импорт, дамжин өнгөрөх ачаа солилцсон нь өмнөх оноосоо 1 сая тонноор илүү байна.
Ийнхүү “Улаанбаатар төмөр зам” ХНН-ийн гадаад худалдааны ачаа тээврийн хэмжээ өссөн нь өнгөрсөн оны 8 дугаар сард Улаанбаатар хотноо болсон Монгол, Орос, Хятадын төмөр замуудын төлөөлөгчдийн зөвлөгөөний үеэр Хятадын талтай хилийн өртөөгөөр солилцох галт тэрэгний тоог нэмэгдүүлэхээр тохирсонтой шууд холбоотой юм.
Ташрамд сонирхуулахад УБТЗ-ын Замын-Үүд өртөө байгуулагдсаны 70 жилийн ой энэ онд тохиож байгаа бөгөөд 1956 онд Улаанбаатар – Замын-Үүд - Жинин өртөө хоорондын төмөр зам баригдсанаар тус өртөө байгуулагджээ.
Эх сурвалж: “УБТЗ” ХНН
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
