Уншиж байна ...

Улаанбаатарт энэ сарын 11, 14-нд ялимгүй цас орж, 15-нд цасаар шуурна

М.Батчимэг, ikon.mn
Өчигдөр 10 цаг 58 минут
IKON.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Нэгдүгээр сарын 15-18-нд нутгийн хойд хэсгээр цас орж, цасан шуурга шуурч, ихэнх нутгаар хүйтний эрч чангарч, жавартай хүйтэн байхыг цаг уурын байгууллагаас мэдээллээ. 

2026 оны 01 дүгээр сарын 09-нөөс 01 дүгээр сарын 18-ныг хүртэлх 10 хоногийн цаг агаарын урьдчилсан төлөв:

Хур тунадас:

  • 10-нд нутгийн зүүн өмнөд хэсгээр,
  • 11-нд Хөвсгөл, Хэнтийн уулархаг нутаг, Орхон-Сэлэнгэ, Хэрлэн, Онон, Улз голын хөндийгөөр,
  • 12-нд Халх голын сав нутгаар,
  • 13-нд Увс нуурын хотгор болон Алтай, Хангай, Хөвсгөлийн уулархаг нутгаар,
  • 14-нд баруун болон төвийн аймгуудын нутгийн хойд хэсэг, говь болон зүүн аймгуудын нутгийн зарим газраар,
  • 15-нд баруун, төв, зүүн аймгууды нутгийн зарим газар, говийн аймгуудын нутгийн хойд хэсгээр,
  • 16-нд нутгийн зүүн хэсгээр,
  • 17, 18-нд нутгийн зарим газраар цас орж, цасан шуурга шуурна.

Салхи:

  • 10-12-нд говь, тал, хээрийн нутгаар,
  • 14-нд баруун аймгуудын нутгаар,
  • 15-18-нд нутгийн зарим газраар нутгаар түр зуур секундэд 18-20 метр хүрч ширүүснэ.

Агаарын температур:

  • 11, 13, 14-нд ихэнх нутгаар хүйтний эрч сулавтар байх боловч
  • бусад хугацаанд Дархадын хотгор, Завхан, голын эх, Хүрэнбэлчир орчим, Идэр, Тэс, Халх голын хөндийгөөр шөнөдөө -34...-39 градус, өдөртөө -22...-27 градус,
  • Увс нуурын хотгор, Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -30...-35 градус, өдөртөө -18...-23 градус,
  • говийн бүс нутгийн өмнөд хэсгээр шөнөдөө -11...-16 градус, өдөртөө 0...-5 градус,
  • говийн бүс нутгийн хойд хэсгээр шөнөдөө -15...-20 градус, өдөртөө -5...-10 градус
  • бусад нутгаар шөнөдөө -23...-28 градус, өдөртөө -12...-17 градус хүйтэн байна.
Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 11, 14-нд ялимгүй цас, 15-нд цас орж, цасан шуурга шуурна.

Салхи: 11, 15, 17, 18-нд секундэд 5-10 метр, зарим үед секундэд 12-14 метр хүрч ширүүснэ.

Агаарын температур: 11, 13, 14-нд хүйтний эрч сулавтар Яармаг-Сонгины орчмоор -20...-25 градус, бусад хэсгээр -15...-20 градус, өдөртөө -7...-12 градус хүйтэн, 15-18-нд хүйтний эрч чангарч Яармаг-Сонгины орчмоор -30...-35 градус, бусад хэсгээр -23...-28 градус, өдөртөө -15...-20 градус хүйтэн байна.