2026-2027 оны Фулбрайтын Англи Хэлний Туслах багшийн Хөтөлбөрт Өргөдлийн материал авч эхэллээ
Америкийн Нэгдсэн Улс(АНУ)-ын Элчин Сайдын Яамнаас 2026-2027 оны Фулбрайтын Англи хэлний туслах багшийн хөтөлбөрийг хамтран хэрэгжүүлэх сонирхолтой их дээд сургууль, МСҮТ болон коллежуудаас өргөдлийн материал хүлээн авч эхэллээ.
АНУ-ын Төрийн департаментын Боловсрол, соёлын товчооноос хэрэгжүүлдэг Фулбрайтын Англи хэлний туслах багшийн (АХТБ) хөтөлбөр нь 1949 оноос Фулбрайтын Америк оюутнуудын хөтөлбөрийн бүрэлдэхүүн хэсэг байсаар ирсэн.
Энэхүү хөтөлбөрийн зорилго нь:
- Төрөлх хэл нь Англи туслах багшийн тусламжтайгаар хөтөлбөр хэрэгжиж буй орон дахь Англи хэлний сургалтыг соёлын ойлголттой уялдуулах, баяжуулах
- Мэргэжлийн болон хувийн чадвараа хөгжүүлэх, харилцан туршлага солилцох, хөгжих боломжуудаар хангах
- АХТБ-аар дамжуулан соёл хоорондын харилцааг нэмэгдүүлэх юм.
Хөтөлбөр жилд нэг удаа зарлагдаж, 6-8 их дээд сургууль, МСҮТ эсвэл политехник коллежтой хамтран ажилладаг.
Эх сурвалж: АНУ-ын Элчин Сайдын Яам
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
