Баянзүрх дүүргийн 27 дугаар хороонд хүн амины ноцтой хэрэг гарчээ
Цагдаагийн байгууллагад 2026 оны нэгдүгээр сарын 4-ний өдрийн 23:00 цагийн орчимд Баянзүрх дүүргийн 27 дугаар хорооны нутаг Дунд дарь эх ..... тоотод “манай эхнэр нас барсан байна” гэх мэдээлэл бүртгэгдсэн.
Дуудлага мэдээллийн дагуу шалгалтын ажиллагааг явуулахад 30 настай эмэгтэй М, дөрвөн настай эмэгтэй А, гурван настай эмэгтэй, А нарын биед мэс ашиглан халдсаны улмаас М, дөрвөн настай А нарын амь нас хохирсон болох нь урьдчилсан байдлаар тогтоогдоод байна.
Мөн гурван настай эмэгтэй А-н биеийн байдал хүндэвтэр эмнэлгийн байгууллагын хяналтад эмчлэгдэж байгааг Цагдаагийн Ерөнхий Газраас мэдээлэв.
Тухайн хэргийг үйлдсэн этгээд хажуу хөрш нь байж болзошгүй гэж хэргийн мэдээлэлд авагдсан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
